МАҚСАДИМИЗ – ФУҚАРОЛАР ҲУҚУҚЛАРИНИ ҲИМОЯ ҚИЛИШ

Муҳтарам Президентимиз “Суд биносига келган ҳар бир фуқаро Ўзбекистонда адолат борлигига ишониб чиқиб кетиши керак”, дея таъкидлаганларидай, фаолиятимизда одил судлов жараёнида фуқароларимиз ҳуқуқ ва манфаатларини таъминлашга интилмоқдамиз.

Жиноят ишлари бўйича туман судида жорий йилнинг 9 ойида 16 нафар шахсга нисбатан Жиноят Кодексининг тегишли моддаларига асосан муайян ҳуқуқдан маҳрум қилиш жазоси, 13 нафар шахсга нисбатан ЖКнинг 57-моддаси қўлланилиб, енгилроқ жазо, 2 нафар шахсга эса тиббий йўсиндаги чоралар қўлланилди.

Кўрилган жиноят ишларининг 64таси  ижтимоий хавфи катта бўлмаган, 48таси унча оғир бўлмаган, 25таси эса оғир жиноятлардир. 19 нафар шахсга нисбатан қўзғатилган жиноят иши бўйича дастлабки тергов органи томонидан қўйилган айблов ўзгартирилиб, ҳукм чиқарилди, 1 нафар шахс иши бўйича тегишли модданинг тегишли қисми ёки банди қўлланилган ҳолда ҳукм чиқарилди. 15 нафар шахснинг иши бошқа моддага малакаланиб, ҳукм чиқарилди, 6 нафар шахснинг жиноят иши бошқа моддага малакаланиб, ҳукм чиқарилди. 5 нафар шахс эса суд залидан озод қилинди. Шунингдек, вояга етмаганларга нисбатан 5та иш бўйича 8 нафар, 60 ёшдан ошганларга нисбатан 3 иш бўйича 4 нафар, 14-30 ёшгача бўлган ёшларга нисбатан 47 иш бўйича 61 нафар шахсларга оид жиноят ишлари кўрилди. 16та иш бўйича 24 нафар аёлларга нисбатан суд ҳукми ўқилди.

Жорий йилнинг 9 ойи давомида жами кўриб тамомланган, ўтган йилдан қолдиқ бўлиб қолган ва  тўққиз ой давомида очилган 107та жиноят ишидан 23таси ибрат тариқасида сайёр суд мажлисларида кўриб чиқилди.

Жиноятлар содир этилишининг олдини олиш, аҳолининг ҳуқуқий саводхонлигини ошириш, суд-ҳуқуқ соҳасига доир муаммоларини ўрганиш мақсадида туманнинг тўққиз овул ва маҳалласида сайёр қабуллар, ҳуқуқбузарликлар, жиноятлар камайишига, хавфсиз ҳудудлар шаклланишига ҳисса қўшиш мақсадида аҳоли орасида ҳуқуқий тарғибот тадбирлари ўтказдик.

Маълумки, 2021 йил бошидан бошлаб маъмурий ишларни кўриш ваколати жиноят ишлари бўйича судларга ўтказилди. Шунга мувофиқ, туман жиноят ишлари бўйича суди томонидан жорий йилнинг 9 ойи давомида жами 1339 нафар шахсга нисбатан 1191та маъмурий ҳуқуқбузарлик тўғрисидаги ишлар кўриб, тамомланди.

Жиноят ишлари бўйича туман суди судлов жараёнларида бағрикенглик ва кечиримлилик тамойилларига амал қилиб, билиб-билмай жиноят кўчасига кириб қолганларни тўғри йўлга қайтариш учун амалдаги қонунчилик нормаларидан имкон қадар фойдаланишга ҳаракат қилаётир. Натижада фуқароларнинг келажакка бўлган, суд-ҳуқуқ органларига бўлган ишончи ортмоқда.

Асқар САФАРОВ,

Жиноят ишлари бўйича туман суди раиси.