Қурбоной опа янги уйли бўлади
Инсон қадри улуғланган юртмизда ижтимоий ҳимояга муҳтож фуқароларни ҳар томонлама қуллаб-қувватлаш, уларга муносиб турмуш шароитини яратиб бериш борасида кенг кўламли ишлар амалга оширилмоқда. Айниқса, кам таъминланган, боқувчисини йўқотган, ногирон фарзади бўлган оилалар ҳукуматимизнинг доимий эътибори ва ғамхўрлигида бўлиб келмоқда.
Ўзбекистон Республикаси Вазирлар Маҳкамасининг 2023 йил 2 февралдаги “Қорақалпоғистон Республикасида аҳоли учун муносиб турмуш шароитларини яратиш ва маҳаллалар инфратузилмасини янада яхшилаш чора-тадбирлари тўғрисида”ги қарори ҳам юқоридаги эзгу саъй-ҳаракатларни янада жадаллаштириб, кўплаб оилаларнинг қувончига қувонч қўшмоқда.
Мазкур қарор билан Амударё туманида 1856 та уйнинг том қисми ёпиб берилмоқда. 12 та уй эса янгидан қурилмоқда. Бунинг учун давлатимиз томонидан 26 млрд. сўм маблағ ажратилган.
Шу ўринда айтиш керакки, яхшиликлар, хайрли ишлар бардавом бўлиб, инсон қадри улуғланган юрт доимо тараққий этади, халқи ҳамжиҳатликда, меҳр-мурувватда умргузаронлик қилади. Шу боис, мамлакатимиздаги бош ислоҳотларда инсон шаъни, унинг қадр-қимматига катта эътибор берилмоқда. Бу улуғвор ишлардан кўзланган асосий мақсад инсон қадр-қимматини улуғлашга, уларнинг ўтаётган ҳар бир кунидан рози бўлиб яшашларига қаратилгани билан янада аҳамиятлидир.
Беруний маҳалласида истиқомат қилувчи Қурбоной Йўлдашева тақдирнинг аччиқ зарбаси туфайли умр йўлдошидан, фарзандидан айрилди. Уйида келини, 2 нафар невараси билан яшайдиган Қурбоной Йўлдашева моддий қийинчилик сабаб томидан чакка ўтувчи, яшашга яроқсиз аҳволга келиб қолган уйини таъмирлашга маблағ тополмасди. Унинг ҳақиқатдан ҳам ёрдамга муҳтожлиги масъуллар томонидан эътиборга олиниб, янгидан 2 хонали шинамгина уй қуриб берилмоқда.
Қурилиш ишлари “Иқбол Дилмурод” масъулияти чекланган жамияти томонидан амалга оширилиб, айни кунларда якунланиш арафасида турибди.
Ижтимоий ҳимояга муҳтож фуқаролар ҳукуматимиз томонидан кўрсатилаётган бу каби беғараз ёрдамдан ниҳоятда мамнун бўлишмоқда. Зеро, Президентимиз таъкидлаганларидек, инсонларнинг дард-у ташвишларини ўйлаб яшаш – одамийликнинг энг олий мезонидир. Давлат идоралари халқимизга хизмат қилиши, халқимиз ўз ҳаётидаги ижобий ўзгаришларни айнан бугун ўз ҳаётлари мисолида кўриши керак.
Туман ҳокимлигининг Ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
