Қорақалпоғистон Республикаси Жўқорғи Кенгеси Раиси маҳалла фаоллари билан учрашди
5 июль куни Қорақалпоғистон Республикаси Жўқорғи Кенгеси Раиси Аманбай Оринбаев амударёлик кўча бошчилари ва маҳалла фаоллари билан учрашди.
Учрашувда Жўқорғи Кенгеси Раиси Қорақалпоғистон Республикаси аҳолисига муносиб турмуш шароитларини яратиш ва инсонларнинг ўтаётган ҳар бир кунидан рози бўлиб яшашлари учун кенг кўламли ислоҳотлар амалга оширилаётганлигини таъкидлади.
Айтиб ўтиш жоиз, ўтган йиллар мобайнида Президентимизнинг алоҳида эътибори ва ғамхўрлиги сабаб қорақалпоғистонликлар учун кўплаб имтиёзларга эга янгидан янги қарор ва фармонлар қабул қилинди. 2022 йил 31 август кунги “Қорақалпоғистон Республикасида тадбиркорлик, инновацион технологиялар ва инфратузилмаларни жадал суръатларда ривожлантириш орқали аҳоли фаровонлигини оширишнинг қўшимча чора-тадбирлари тўғрисида”ги Ўзбекистон Республикаси Президентининг фармонига мувофиқ тадбиркорларга солиқ имтиёзлари берилган бўлса, шу йилнинг 25 октябрь куни қабул қилинган “2022-2023 йилларда маҳаллалар инфратузилмасини янада яхшилаш бўйича қўшимча чора-тадбирлар тўғрисида”ги қарор билан маҳаллалар ободонлаштирилиб, инфратузилмаси яхшиланди.
Амударё туманида ҳам мазкур қарор асосида 26 та объектда қурилиш ишлари жадал суръатларда олиб борилди. 2 та маҳалланинг маъмурий биноси қурилиб, фойдаланишга топширилди. Умумий узунлиги 55,2 км бўлган ички йўллар таъмирланди. Электр таъминоти, ичимлик суви билан боғлиқ муаммолар ўз ечимини топди.
Шунингдек, Ўзбекистон Республикаси Вазирлар Маҳкамасининг “Қорақалпоғистон Республикасида маҳаллаларни қўллаб-қувватлаш жамғармасини ташкил этиш тўғрисида”ги қарорига асосан Қорақалпоғистондаги 452 та маҳалланинг ҳар бирига тўғридан-тўғри 500 млн. сўмдан ажратилди. Ажратилган маблағларни эса ҳар бир маҳалланинг ўзи, ўз муаммоларини ҳал қилиш учун ишлатиши белгиланган. Албатта, ушбу маблағларнинг қандай мақсадларга сарфланиши кўча бошчиларининг, маҳалла фаолларининг таклифлари асосида аниқланади.
Ушбу қарор билан Қорақалпоғистон Республикасидаги маҳаллаларнинг инфтарузилмасини ривожлантириш, аҳолининг турмуш даражасини янада яхшилаш, маҳаллалардаги ижтимоий-иқтисодий муаммоларни ҳал этиш, мавжуд муаммоларни ўз вақтида аниқлаш ва ечимини топиш ҳамда ҳал қилиш мақсад қилинган.
Кўча бошчилари билан бўлиб ўтган учрашув шу йўналишдаги ишларнинг амалга оширилиши учун зарурий чора-тадбирларни белгилаб олишда муҳим аҳамият касб этди.
Учрашувда фаол кўча бошчилари, маҳалла фаоллари сўзга чиқиб, ўз овул ва маҳаллаларида, кўчаларида амалга оширилаётган ишлар учун миннатдорчилик билдирган ҳолда маҳалла институтининг жамиятдаги нуфузини янада ошириш, аҳолининг бирдамлигини ва якдиллигини таъминлашда ўз ҳиссаларини қўшишларини айтиб ўтдилар.
Учрашув якунида ёш авлод маънавиятини юксалтиришга, уларнинг ҳар томонлама етук ва баркамол инсонлар бўлиб вояга етишларига ўз хиссаларини қўшган, узоқ йиллар мобайнида таълим ва бошқа соҳаларда фаолият юритган нуронийлар Турсунбой Абдуллаев, Жангабай Ражабов, Пардагул Ўразбаевалар “Ардоқли нуроний” кўкрак нишони билан, Қорақалпоғистонда хизмат кўрсатган журналист Робия Йўлдашева эса “Ватан фидоийси” кўкрак нишони билан тақдирланди.
Туман ҳокимлигининг Ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
