ЁШЛАР БИЛАН ИШЛАШДА ЖОРИЙ ЭТИЛАЁТГАН ЯНГИ ТИЗИМГА АСОСАН ЙИҒИЛИШ ЎТКАЗИЛДИ
Жорий йилнинг 11 апрель куни Президентимиз раислигида ёшлар сиёсати соҳасидаги ишлар натижадорлигини ошириш ҳамда улар билан ишлаш тизимини янада такомиллаштириш чора-тадбирлари юзасидан видеоселектор йиғилиши бўлиб ўтган эди. Йиғилишда дастлаб мамлакатимизда ёшлар билан ишлаш бўйича мутлақо янги тизим жорий этилаётгани ҳақида маълумот берилди. 14 ёшдан 30 ёшгача бўлган ёшларнинг ижтимоий аҳволи, қобилияти ва қизиқишлари ўрганилиб, улар 3 тоифага ажратилди. Эндиликда улар билан манзилли, аниқ мезонлар асосида ишланиши таъкидланди. Яхши ўқиётган, тадбиркорлигини йўлга қўйган, расмий секторда ишлайдиган, қобилияти бор, ижтимоий фаол бўлган 4,4 миллион нафар ёшлар “яхши” тоифага, турмуш тақозоси билан расмий сектордан иш топа олмаган, лекин иқтисодий фаол 4,6 миллион нафар ёшлар “ўрта” тоифага, давлатнинг ғамхўрлиги ва эътиборини кутаётган ҳамда кўмакка муҳтож 396 минг нафар ёшлар “аҳволи оғир” тоифага алоҳида ажратиб олинди.
Шунингдек, ҳар бир вазир, вазир ўринбосарлари, вилоят, туман ва шаҳар ҳокимлари, ўринбосарлари, сектор раҳбарлари, олийгоҳ ректорлари, Миллий гвардия ва ҳарбий қисм командирларига учинчи тоифадаги 50 нафардан эътиборга муҳтож ёшлар номма-ном бириктирилиши белгиланган.
Ушбу топшириққа асосан Амударё тумани ҳокимининг 1-ўринбосари Рашид Салаевга маҳаллалардан жами 59 нафар эътиборга муҳтож ёшлар бириктирилган эди. Ушбу ёшларнинг 28 нафари билан жорий йилнинг 26 апрель куни Рашид Салаев Хитой овул фуқаролар йиғини биносида учрашиб, уларнинг муаммо ва таклифларини ўрганди.
Учрашувда Хитой овул фуқаролар йиғини масъуллари, Ёшлар ишлари агентлиги туман бўлими ходимлари иштирок этдилар. Самимий мулоқот аввалида мамлакатимизда ёшларнинг ҳуқуқ ва манфаатлари муҳофазасига юксак эътибор қаратилиб, ёшларга оид давлат сиёсатини амалга ошириш борасидаги ҳуқуқий-норматив база изчил такомиллаштирилиб борилаётганлиги хусусида атрофлича сўз юритилди.
Учрашувда ҳоким ўринбосари эндиликда ёшлар билан ишлаш тизими тубдан ўзгариши, “Ёшлар дафтари” билан ишлашда ёшларни аниматор, дизайнер, логистика оператори, гид каби замонавий касбларга ўқитишга алоҳида эътибор қаратилишини таъкидлади. Шунингдек, бу тизим билан мактабларнинг 10-11-синф ўқувчилари ҳам қамраб олинишини айтиб ўтди. Қолаверса, “Ёшлар дафтари” жамғармалари маблағининг камида 40 фоизи айнан ишсиз ёшларни касб-ҳунарга ўқитишга йўналтирилиши, ёшлар ўртасида касб-ҳунар олимпиадалари ўтказилиб, иқтидорли ёшлар аниқланган ҳолда уларнинг тадбиркорлик қилишлари учун барча шароитлар яратиб берилишини батафсил тушунтирди.
Учрашувда ёшлар томонидан турли мазмундаги таклиф ва мурожаатлар келиб тушди. Мурожаатларни Рашид Салаев шахсан ўзи қайд этиб борди ва тез орада ижобий ҳал этиш чоралари кўрилишини маълум қилди. Учрашувда фаол ёшлар сўзга чиқиб, мамлакатимизда, хусусан, туманимизда ҳам ёшлар ҳаётига оид муаммоли масалалар доимий назоратга олиниб, ижобий ечим топаётганидан мамнун эканликларини билдирдилар.
Ёшлар билан ишлаш бўйича жорий этилаётган янги тизим туманимиздаги эътиборга муҳтож ёшларнинг ҳаётида ижобий ўзгаришлар ясайди, албатта.
Сардор Қурабоев, Ёшлар ишлари Агентлиги туман бўлими ходими.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
