ТАДБИРКОР БЎЛИШНИ ИСТАСАНГИЗ...
Мамлакатимизда кичик бизнес ва хусусий тадбиркорликни ривожлантиришга улкан эътибор қаратилмоқда. Хусусан бу борада тадбиркорлик фаолияти соҳасига рухсат бериш қоидаларининг соддалаштирилганлиги, ортиқча бюрократик тўсиқларнинг бартараф этилганлиги, тадбиркорлик субъектларининг ҳуқуқий ҳимояси таъминланаётганлиги боис иқтисодиётимизда кичик бизнес ва хусусий тадбиркорларнинг роли, улуши кенгаймоқда. Бу ҳаракатнинг янада самарали бўлиши учун Ўзбекистон Республикаси Бош прокуратураси ҳузуридаги солиқ, валютага оид жиноятларга ва жиноий даромадларни легаллаштиришга қарши курашиш Департаментининг Қорақалпоғистон Республикаси Амударё туман бўлими томонидан аҳоли орасида кенг тарғибот-ташвиқот ишлари олиб борилмоқда.
Яқинда "Олмазор” маҳалласида жойлашган Манғит иқтисодиёт касб-ҳунар коллежи мажлислар хонасида СВОЖЖДЛҚК департаменти маҳкамаси бўлим бошлиғи И.Латипов, департаментнинг Қорақалпоғистон Республикаси бошқармаси бўлим бошлиғи М.Ўтепбергеновлар иштирокида маҳаллада истиқомат қилувчи тадбиркорлар, коллежнинг тадбиркорлик фаолияти билан шуғулланиш истагида бўлган битирувчилари билан ташкил этилган учрашув ҳам шу мақсадга қаратилди.
Учрашувда тадбиркорлар ҳуқуқини ҳимоя қилиш борасида қабул қилинаётган ҳукуматимиз қарорларининг аҳамияти, тадбиркорларга яратилаётган шарт-шароитлар, уларнинг фаолиятига тўсқинлик қилишнинг олдини олишга қаратилган қонуний ҳужжатлар, солиқ қонунчилигидаги ўзгаришлар ҳақида маърузалар қилинди. Коллежнинг тадбиркорлик фаолияти билан шуғулланиш истагида бўлган битирувчиларига ўз бизнесини қандай ташкил этиш мумкинлиги кенг тушунтирилди.
Маърузалардан сўнг учрашув иштирокчилари ўзларини қизиқтирган саволларига жавоблар олдилар. Хуллас, тадбиркор бўлишни истаган киши аввало, бу борадаги қонунчиликни чуқур ўрганиб, ўз ишини онгли равишда ташкил этиши лозимлигини чуқур англадилар.
Б.КОЧКАРОВ,
СВОЖЖДЛҚК департаментининг Қорақалпоғистон Республикаси Амударё туман бўлими бошлиғи, адлия кичик маслаҳатчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
