34-сонли мактаб педагогика жамоаси хайрия ишларини амалга оширди
Бир-бировга меҳр-оқибат кўрсатиш, қийин авҳолда қолган инсонларни қўллаб-қувватлаш, мушкулини осон қилишга интилиш – халқимиз учун азалий қадрият ҳисобланади. Шунинг учун ҳам ҳайит ва байрамларда энг аввало ана шундай меҳрга, ижтимоий ҳимояга муҳтож оилаларга кириб бориб, кўнгли ярим, эътиборталаб инсонлар ҳолидан хабар олиниб, уларнинг кайфиятларини кўтаришга ҳаракат қилиш ҳар бир инсон учун одат тусига кирган.
Амударё туман Халқ таълими бўлимига қарашли 34-сонли умумтаълим мактаби педагогика жамоаси томонидан турли байрам саналари муносабати билан амалга оширилаётган хайр-эҳсон тадбирларидан нафақат мактаб ҳудудидаги ўқувчиларнинг ота-оналари, балки барча маҳалла аҳли ҳам мамнун.
Янги йил байрами арафасида мактаб маъмурияти раҳбарияти ва педагогика жамоаси аъзолари тўлиқ бўлмаган оилаларда, шунингдек, ижтимоий ҳимояга муҳтож, кам таъминланган оилаларда тарбияланаётган ҳамда 34-сонли мактабда таълим олаётган бир гуруҳ ўқувчиларнинг яшаш шароити ҳамда кундалик озиқ-овқат истеъмол харажатларининг ҳолати билан яқиндан танишиш мақсадида улар яшаётган хонадонларга ташриф буюришди. Кам таъминланган, ижтимоий ҳимояга муҳтож ўқувчилар рўйхати шакллантирилиб, янги йил байрами арафасида байрам дастурхонлари учун зарур маҳсулотларни етказиб бериш чоралари кўрилди.
Унга кўра, мактаб маъмурияти ва педагогика жамоаси ташаббуси билан юқоридаги каби оилаларда яшовчи бир гуруҳ ўқувчилар ҳолидан хабар олиниб, уларга кундалик истеъмол озиқ-овқат маҳсулотлари тарқатилди.
Албатта, мактаб маъмурияти томонидан ташкиллаштирилган мазкур тадбирдан ўқувчиларнинг ота-оналари ва яқинлари миннатдор бўлдилар.
Халқимизга хос бўлган бу каби хайр-эҳсон, меҳр-мурувват тадбирлари нафақат турли байрам саналарида, балки деярли ҳар ой, ҳар ҳафтада саховатпеша инсонлар томонидан амалга оширилаётгани қувонарли. Савобли ишни ҳар ким, ҳар куни қилиши керак, деган бобомерос ўгит бугунги кунда халқимиз учун одат тусига кириб бормоқдаки, бу албатта ҳар бир инсоннинг қалбига хотиржамлик бағишлайди. Хотиржамлик бор жойда эса осойишталик бўлади. Осойишталик – фаровонликка, фаровонлик – тараққиётга кафолатдир.
Юртимизда “Инсонга эътибор ва сифатли таълим йили” ана шундай хотиржамлик, осойишталик ва фаровонликка хизмат қилувчи ўзаро меҳр-оқибат ҳамда саховатпешалик билан бошланаётгани, айниқса, бу каби эзгу амалларнинг таълим масканларидан илдиз отаётгани янада қувонарли. Зеро, бугунги ўқувчи – эртанги яратувчи, бунёдкор инсонлардир. Инсонни қадрлаш туйғуси эса ёш танламайди.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
