Маҳалла ва нуронийларни қўллаб-қувватлаш бўлими томонидан нуронийларни қўллаб-қувватлаш борасида амалга оширилаётган ишлар бўйича очиқ мулоқот бўлиб ўтди
2022 йил 25 ноябрь куни Амударё тумани ҳокимлигининг Ахборот хизмати томонидан Маҳалла ва нуронийларни қўллаб-қувватлаш бўлими биносида навбатдаги очиқ мулоқот ўтказилди.
Унда туман ҳокимлигининг Ахборот хизмати раҳбари Фотима Эшимбетова, Маҳалла ва нуронийларни қўллаб-қувватлаш бўлими бошлиғи ўринбосари, “Нуронийлар” жамоатчилик Кенгаши раиси Бахадир Балтабаев, “Нуронийлар” жамоатчилик Кенгаши раиси ўринбосари Бекман Аллаберганов, фахрий журналист Хонимжон Ражабова ҳамда маҳалла раислари, бўлим мутахассислари, оммавий ахборот воситалари вакиллари иштирок этдилар.
Очиқ мулоқотни туман ҳокимлигининг Ахборот хизмати раҳбари Фотима Эшимбетова очди ва олиб борди.
Мулоқот давомида бўлим томонидан 2022 йилнинг март ойидан шу даврга қадар амалга оширилган ишлар сарҳисоб қилинди.
Таъкидланганидек, ижтимоий ҳимояга муҳтож, якка-ю ёлғиз, ўзгалар қарамоғига муҳтож кексалар ҳолидан доимий равишда хабар олинмоқда. Шунингдек, уйи таъмирталаб аҳволга келиб қолган нуронийларнинг уйлари таъмирлаб берилмоқда. Ундан ташқари, ижтимоий ҳимояга муҳтож кексаларнинг саломатлигини тиклашлари учун бепул дори-дармонлар, тиббий хизматлар ташкил этилмоқда.
Айниқса, октябрь ойининг биринчи ҳафтаси “Кексалар ҳафталиги”да нуронийларга бўлган эътибор ҳар қачонгидан ҳам кучайди. Тумандаги Маданият марказлари ҳамда “Саҳоват” ва “Мурувват” уйларида маданий-маърифий тадбирлар ташкил этилди. Нуронийлар “Уч авлод учрашувлари”, “Саломатлик учун 5 минг қадам” тадбирларига жалб қилинди.
Ноябрь ойининг “Кексалар учун туризм ойлиги” деб эълон қилиниши эса нуронийларга бўлган эътибор ва ғамхўрликнинг яна бир амалий исботи бўлди. Ойлик бошланганидан шу кунга қадар 6 минг 540 нафар нуронийлар чуқурлаштирилган тиббий кўрикдан ўтказилди. 3 минг 851 нафар нуронийлар Тошкент, Самарқанд, Бухоро, Хива ҳамда Республикамизнинг сўлим гўшаларига, муқаддас қадамжоларига, музейларга саёҳатга олиб борилди. Шунингдек, туманда ўзгалар парваришига муҳтож бўлган 36 нафар кексаларнинг уйларида ҳашарлар ўтказилди.
Фахрий журналист Хонимжон Ражабова кексаларни эъзозлаш, уларга меҳр-мурувват кўрсатиш тушунчасининг мазмун-моҳияти ўзининг ёшлик даврларидаги кўз-қарашлардан мутлақо фарқ қилишини, ушбу тушунча кундан кунга тобора сайқалланиб, мукаммаллашиб бораётганлигини айтиб ўтди.
“Нуронийлар” жамоатчилик Кенгаши раиси ўринбосари Бекман Аллаберганов кексаларни эъзозлаш, уларга ҳурмат кўрсатиш муқаддас динимизда ҳам ўз аксини топганлигини айтиб кексаларга ҳурмат бажо келтириш савоби улуғ амаллардан бири эканлигини таъкидлади.
Очиқ мулоқот давомида журналистлар Маҳалла ва нуронийларни қўллаб-қувватлаш бўлими фаолияти натижадорлигига доир саволлар билан мурожаат қилиб, тегишли жавоблар олдилар.
Шунинг билан очиқ мулоқот ўз якунига етди.
Туман ҳокимлигининг Ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
