ЎЗ КЕЛАЖАГИМ УЧУН ОВОЗ БЕРАМАН!
Мен 32-умумтаълим мактабини тугатиб, узлуксиз таълимнинг кейинги босқичини 3-сонли Амударё академик лицейининг аниқ фанлар йўналишида давом эттирдим.
Устозларимизнинг ўқувчиларга билим асосларини чуқур ўргатишга интилиши, ўқувчиларнинг тўлақонли билим олиши учун яратилган имкониятлар, ўз билимларини бойитиши, ўқиб-ўрганиши учун яратилган шароитлардан унумли фойдаланишга интилдим. Натижада Нукус Давлат Педагогика институтининг математика факультетига талабаликка қабул қилиндим. Ҳозир 3-курсда таълим олаяпман.
Шу ўринда мамлакатимизда ўсиб келаётган ёш авлоднинг комил инсонлар бўлиб вояга етиши, ўқиб, малакали кадрлар бўлиб етишиши учун қилинаётган ғамхўрликлар ҳар бир талаба-ёшни илм сирларини пухта эгаллаб, ғамхўрликларга муносиб инсонлар бўлишга ундаб туришини айтмоғим жоиз.
Жорий йил мен учун эсда қоларли воқеаларга бой йил бўлди. Мамлакатимизда муҳим сиёсий воқеа - Ўзбекистон Республикаси Олий Мажлиси Қонунчилик палатасига, вилоят, туман ва шаҳар Кенгашларига сайловлар бўлиб ўтадиган 21 декабрь кунини эса ҳаяжон билан кутаяпман. Боиси, мен илк бор сайловларда қатнашаман ва овоз бераман. Бунинг учун сайловларга доир билимларимни бойитиб, конституцион бурчимни чуқур англаб етдим. Асосий Қонунимизда таъкидланганидай, Ўзбекистон Республикасининг фуқаролари давлат ҳокимияти вакиллик органларига сайлаш ва сайланиш ҳуқуқига эгадирлар. Ҳар бир сайловчи бир овозга эга. Овоз бериш ҳуқуқи, ўз хоҳиш иродасини билдириш тенглиги ва эркинлиги қонун билан кафолатлангани менга, барча тенгдошларимга фахр-ифтихор бағишламоқда.
Мен сайловларда энг муносиб номзодлар учун овоз бераман.
Асал Собирова, НДПИнинг 3-курс талабаси.
Фото: http://www.uza.uz
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
