АМУДАРЁ ТУМАНИДА КАСАБА УЮШМАЛАРИ КУНИГА БАҒИШЛАНГАН БАЙРАМ ТАДБИРИ ЎТКАЗИЛДИ
11 ноябрь куни Амударё туманида Ўзбекистон касаба уюшмалари куни муносабати билан тумандаги касаба уюшмалари ташкилотлари томонидан байрам тадбири ташкил этилди.
“Касаба уюшмалари – Инсон қадри учун” деб номланган ва туман Маданият бўлимида бўлиб ўтган мазкур тадбирда Ўзбекистон касаба уюшмалари Федерациясининг Қорақалпоғистон кенгаши ташкилий ишлар бўлим мудири Гулнора Илмуродова, Кенгаш етакчи мутахассиси Мақсет Турханов ҳамда туман тармоқ касаба уюшма раислари, фахрийлар, туман ҳокимлиги масъуллари ҳамда секторлар раҳбарлари, корхона-ташкилотлар мутасаддилари иштирок этишди.
Тадбирда сўзга чиққанлар Сенатда 2020 йил 20 ноябрда маъқулланиб, Президент томонидан мазкур йил 23 ноябрда имзоланган “Ўзбекистон касаба уюшмалари кунини белгилаш тўғрисида”ги Ўзбекистон Республикаси Қонунига кўра 11 ноябрь – Касаба уюшмалари куни деб белгиланганини айтиб ўтишди. Бу янгиликнинг юртимиздаги ярим миллиондан ортиқ касаба уюшмалари аъзолари томонидан катта мамнуният билан кутиб олингани, давлатимиз раҳбарининг касаба уюшмаларига бўлган эътибори натижасида икки йилдан буён мамлакатимизда 11 ноябрь – Ўзбекистон касаба уюшмалари куни сифатида кенг нишонлаб келинаётганини эътироф этишди. Қолаверса, жорий йилда Президентимиз ташаббуси билан 11 ноябрь — Ўзбекистон касаба уюшмалари кунини «Умумхалқ байрами» сифатида дам олиш куни деб эълон қилиш таклиф қилинди.
Юртимизда инсон қадри учун амалга оширилаётган улкан ва тизимли ишлар давлатимиз ва жамиятимизни тараққиётнинг мутлақо янги босқичига олиб чиққанлиги, янги Ўзбекистоннинг бу борадаги ютуқлари ва қўлга киритаётган натижалари бугун халқаро миқёсда ҳам тан олиниб, юксак эътирофларга сазовор бўлаётганини алоҳида таъкидланди.
Тадбирда байрам муносабати билан ишчи-ходимларнинг ижтимоий-иқтисодий ҳуқуқ ва манфатларни ҳимоя қилиш, улар учун муносиб меҳнат шароитларини яратиб берилишида, Касаба уюшмаси туман бўлинмаси тизимида ўзининг кўп йиллик меҳнати билан Уюшма фаолиятини ривожлантиришга қўшиб келаётган ҳиссаси учун 10 нафар нафақадаги касаба уюшма раислари, 10 нафар фаол бошланғич касаба уюшма раисларига ташаккурномалар ва совғалар топширилди.
Шунингдек, туманда умумтаълим мактабларида ўқувчилар ўртасида Ўзбекистон касаба уюшмалари куни муносабати билан ташкил этилиб ўтказилган “Ёш китобхон” танловида ғолиб бўлган ва фаол қатнашган 84 нафар ўқувчилар фахрий ёрлиқлар билан тақдирланди. Уларга Касаба уюшмасининг туман бўлинмаси томонидан китоблар ҳам совға қилинди.
Байрам тадбирида туман Маданият бўлими томонидан тайёрланган концерт дастури намойиш этилиб, барчага кўтаринки кайфият бахш этилди.
Дарҳақиқат, сўнгги йилларда касаба уюшмалари жамиятимизнинг муҳим бир бўлагига айланиб улгурди. Амударё туманида ҳам ўтган давр мобайнида Ўзбекистон таълим ва фан ходимлари касаба уюшмаси туман бўлинмаси томонидан ишчи-ходимларни қўллаб-қувватлаш, уларнинг муаммоларини ҳал қилиш борасида кўплаб ижобий ишлар амалга оширилди.
Бугунги кунда Касаба уюшманинг туман бўлинмаси тизимидаги бошланғич ташкилотлар фаоллари фидокорона меҳнат қилишмоқда. Улар корхона ва ташкилотларда ишчи-ходимларнинг касбий, меҳнатга оид, ижтимоий-иқтисодий ҳуқуқ ва манфаатларини ҳимоя қилишда, муносиб меҳнат шароитларини яратишда фаол иштирок этиб келишмоқда.
Фурсатдан фойдаланиб, барча ишчи-хизматчиларни 11 ноябрь – Ўзбекистон касаба уюшмалари куни муносабати билан чин дилдан табриклаймиз!
О.Худойберганова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
