Туман ҳокимлигининг Ахборот хизмати томонидан ОАВ вакиллари учун медиа тур ташкил этилди
14 июль куни Амударё тумани ҳокимлигининг Ахборот хизмати томонидан тумандаги оммавий ахборот воситалари вакиллари учун медиа тур ташкил этилди.
Унда туман ҳокими ўринбосари Нодирбек Комолов, туман ҳокимлигининг Ахборот хизмати раҳбари Фотима Эшимбетова, “Тараққиёт кўзгуси” газетаси махсус мухбирлари Робия Йўлдашева, Ойгул Ражабова ҳамда фотомухбир Маҳмуджон Шомурадовлар иштирок этишди.
Медиа тур доирасида журналистлар Манғит шаҳрининг Гулзор маҳалласи ҳудудида янгидан барпо этилган кўп қаватли арзонлаштирилган уй-жойларда яратилган шарт-шароитлар ҳақида батафсил маълумот олдилар.
Журналистлар янгидан қурилган уй-жойларнинг энг муҳим афзал томони − биноларнинг муҳандислик коммуникация тармоқларига уланиб, ижтимоий ва бозор инфратузилма объектларига яқин ҳудудда жойлашганини эътироф этишди.
Дарҳақиқат, янги массивларда қурилган ва қурилаётган автомобиль йўллари, сув, газ ва электр тармоқлари, болалар боғчалари, савдо шахобчалари, спорт майдончалари аҳолининг қулай шарт-шароитларда яшаши учун комплекс тизимни ҳосил қилмоқда.
Медиа тур қатнашчилари уй эгаларининг хонадонларида бўлиб, улар билан ҳам яқиндан суҳбатлашдилар. Аксарият қисми ёш оилалардан иборат бўлган хонадон эгалари яратилган шароитлардан мамнун эканлигини билдириб ўтишди.
Айтиш керакки, жами 15,6 млрд. сўм маблағ эвазига 3 та 5 қаватли, жами 90 та хонадонли уй-жойларнинг қуриб битказилгани ва фойдаланишга топширилгани уй-жойга муҳтож оилалрга катта совға бўлди. Янгидан барпо этилган мазкур уйларнинг ҳар бири “Қишлоқ қурилиш инвест” масъулияти чекланган жамияти буюртмаси асосида 5,5 млрд. сўм маблағ эвазига бунёд этилди.
Ундан ташқари, ушбу уйларнинг 20 йил муддатга арзонлаштирилган тартибда имтиёзли кредит асосида берилиши ёш оилаларга яратилган катта имкониятдир.
Туманнинг меъморий қиёфасини яхшилаш, янги-янги бинолар барпо қилиш ва ҳудудларни ободонлаштириш ишлари замирида, аввало, одамлар учун муносиб турмуш шароитини яратиш мақсади мужассамдир.
Журналистлар ва оммавий ахборот воситалари вакиллари туман ҳокимлиги ва қурилиш корхонаси масъулларига янгидан бунёд қилинган уй-жойларга оид саволлар билан мурожаат қилиб, тегишли жавоблар олдилар.
Туман ҳокимлигининг Ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
