ДАВЛАТ ИДОРА ВА ТАШКИЛОТЛАРНИНГ МУРОЖААТЛАР БИЛАН ИШЛАШ БЎЙИЧА ХОДИМЛАРИ УЧУН ЎҚУВ-СЕМИНАРИ ЎТКАЗИЛДИ

Амударё тумани Давлат хизматлари маркази биносида тумандаги Халқ қабулхонаси ва туман Адлия бўлими билан ҳамкорликда тумандаги давлат идора ва ташкилотларнинг мурожаатлар билан ишлаш бўйича ходимлари ўқув-семинар ўтказилди.

Ўқув семинарида Ўзбекистон Республикаси Президентининг Амударё туманидаги Халқ қабулхонаси масъуллари томонидан мурожаатлар билан ишлаш тажрибаси хусусида ўқув-семинар иштирокчиларига батафсил маълумот ва тушунчалар берилди. Хусусан Ўзбекистон Республикаси Президентининг Амударё туманидаги Халқ қабулхонасига 2022 йил 1 апрель санасига қадар жисмоний ва юридик шахслардан келиб тушган 391 та мурожаатларнинг 81 фоизи қаноатлантирилиб, шундан 20 фоизи ижобий ҳал қилингани, 19 фоизига тушунтириш берилиб, 2 таси рад этилгани, 49 та мурожаатлар ўрганиш жараёнида эканлиги, рад этилган мурожаатларнинг қандай сабабларга кўра рад этилгани хусусида батафсил маълумотлар берилди.

Ушбу келиб тушган мурожаатлар секторлар кесимида таҳлил этилди. Унга кўра, 1-сектор ҳудудидан 88 та, 2-сектор ҳудудидан 115 та, 3-сектор ҳудудидан 103 та, 4-сектор ҳудудидан 85 та мурожаатлар келиб тушганлиги ва бу мурожаатлар бевосита сектор раҳбарлари билан ўрганиб чиқилгани қайд қилинди.

Унга кўра, туман электр таъминоти корхонасига кўриб чиқиш учун юборилган 34 та мурожаатларнинг 12 таси, туман архитектура ва қурилиш бўлимига юборилган 6 та мурожаатдан 1 таси, туман аҳоли бандлигига кўмаклашиш марказига юборилган 54 та мурожаатларнинг 4 таси, Тиббиёт бирлашмасига юборилган 15 та мурожаатларнинг 6 таси, Мажбурий ижро бюроси туман бўлимига юборилган 4 та мурожаатдан 1 таси, Маҳалла ва оилани қўллаб-қувватлаш Амударё туман бўлимига юборилган 9 та мурожаатдан 1 таси, туман Ички ишлар бўлимига юборилган 30 та мурожаатдан 2 таси ижобий ҳал қилинган, ҳолос. Шунингдек, Бюджетдан ташқари пенсия жамғармаси туман бўлимига юборилган 13 та мурожаатларнинг хеч бири ижобий ҳал қилинмаган.

Бундан ташқари Амударё туман ҳокимлиги томонидан 3 та, туман электр таъминоти корхонаси томонидан 3 та, Маҳалла ва оилани қўллаб-қувватлаш Амударё туман бўлими томонидан 1 та ва туман архитектура ва қурилиш бўлими томонидан 1 та мурожаатлар 30 кундан кечиктириб ёпилган.

Шунингдек, тумандаги сектор раҳбарлари томонидан ҳудудларда ўтказилган оммавий сайёр қабулларда келиб тушган мурожаатларни кўриб чиқиш давомида туман Ички ишлар бўлими томонидан 3 та, туман ҳокимлиги томонидан 4 та, туман электр таъминоти корхонаси томонидан 9 та ва туман архитектура ва қурилиш бўлими томонидан 3 та мурожаатлар 30 кундан кечиктириб ёпилган.

Бундан ташқари, туман архитектура ва қурилиш бўлимига юборилган 6 та мурожаатдан 2 таси, Мажбурий ижро бюроси туман бўлимига юборилган 4 та мурожаатдан 1 таси, туман аҳоли бандлигига кўмаклашиш марказига юборилган 54 та мурожаатдан 1 таси, туман Тиббиёт бирлашмасига юборилган 15 та мурожаатдан 1 таси, туман Маҳалла ва оилани қўллаб-қувватлаш бўлимига юборилган 9 та мурожаатдан 2 таси, Бюджетдан ташқари пенсия жамғармаси туман бўлимига юборилган 13 та мурожаатдан 1 таси, туман Ички ишлар бўлимига юборилган жами 30 та мурожаатдан 5 таси такрорий мурожаатлар сифатида қабул қилинган.

Ўқув-семинарда тумандаги давлат идора ва ташкилотларнинг мурожаатлар билан ишловчи ҳодимларига ҳар ой якуни бўйича келиб тушаётган мурожаатларни таҳлил қилган ҳолда таҳлилий маълумотлар ҳамда мавжуд муаммоларни бартараф қилиш юзасидан таклифлар тайёрлаш ва туман Халқ қабулхонасига хар ойнинг 5 санасига қадар хисобот бериб бориш топширилди.

Ҳар бир мурожаат ортида инсон ва унинг ҳаёт тарзи билан боғлиқ муаммо ва таклифлари бор. Халқимизнинг мурожаатлари билан ишлаш жараёнига ана шу нуқтаи назардан келиб чиқиб ёндашиш талаб этилади. Зеро, Президентимиз таъкидлаганларидек, халқнинг дард-у ташвишларини ўйлаб яшаш – одамийликнинг энг олий мезонидир.

Робия ЙЎЛДОШЕВА.