ФУҚАРОЛАР ЙИҒИНЛАРИ РАИСЛАРИ УЧУН ЎҚУВ-СЕМИНАР ЎТКАЗИЛДИ

Мамлакатимизда бугунги кунда ўзини ўзи бошқариш органлари, дея расмий ном билан аталаётган маҳалла мустақиллик йилларида аҳолига энг яқин ва халқчил тузилмага айланди. Маҳалла бугунимизни ва эртанги кунимизни туташтириб турувчи, миллийлигимиз тимсоли, қадриятларимиз ва урф-одатларимизни авлоддан-авлодга етказувчи ижтимоий макондир.

Кейинги йилларда аҳолининг турмуш фаровонлигини, сифатини оширишда маҳалланинг ролини мустаҳкамлашга алоҳида эътибор қаратилмоқда. Хусусан, 2017 йил 3 февралда қабул қилинган “Маҳалла институтини янада такомиллаштириш чора-тадбирлари тўғрисида”ги Президент Фармони фуқаролар ўзини ўзи бошқариш органларининг маҳаллий аҳамиятга эга масалаларни самарали ҳал қилишдаги ролини кучайтириб, уларнинг моддий-техник базасини мустаҳкамлашга, шунингдек, давлат органлари ва фуқаролик жамияти институтлари билан ўзаро ҳамкорлигини янада ривожлантиришга замин яратиб берган бўлса, 2019 йил 2 апрелда қабул қилинган “Аҳоли муаммолари билан ишлашда маҳалла институтининг мавқеини тубдан ошириш чора-тадбирлари тўғрисида”ги Фармон эса фуқаролар йиғинларининг уйма-уй юриб аҳоли муаммоларини аниқлаб ва бартараф этишда давлат идоралари, Халқ қабулхоналари ва ҳудудларни комплекс ижтимоий-иқтисодий ривожлантириш бўйича секторлар билан ҳамкорлигини кучайтириш юзасидан аниқ вазифаларини ўртага қўйди.

Аҳоли турмуши тинч-осойишталигини таъминлаш, оила ва хотин-қизлар билан ишлаш тизимини янги даражага кўтариш, нуронийлар фаоллигини ошириш, ҳудудларда жиноятчиликнинг олдини олишда 2020 йил 18 февралда қабул қилинган Президентимизнинг “Жамиятда ижтимоий-маънавий муҳитни соғломлаштириш, маҳалла институтини янада қўллаб-қувватлаш, оила ва хотин-қизлар билан ишлаш тизимини янги даражага олиб чиқиш чора-тадбирлари тўғрисида”ги Фармони муҳим асос бўлиб хизмат қилаётир.

Жорий йилнинг 20 декабрида туман Маҳалла ва оилани қўллаб-қувватлаш бўлими биносида сўнгги икки йил давомида маҳалла ва оилани қўллаб-қувватлаш соҳасига оид қабул қилинган 30 дан ортиқ қонун ҳужжатлари ҳам давлатимиз раҳбарининг видеоселектор йиғилишларидаги нутқида белгилаб берилган устувор вазифаларининг мазмун-моҳияти, уларни амалга ошириш механизмлари ҳақида маълумот бериш мақсадида фуқаролар йиғинлари раислари учун ўқув-семинар ўтказилди.

Ўқув-семинарга бўлим ходимлари, мавжуд 49 та овул ва маҳаллалар йиғинлари раисларининг барчаси иштирок этдилар.

Ўқув-семинарда Ўзбекистон Республикаси Маҳалла ва оилани қўллаб-қувватлаш вазирлигидан вакил, “Маҳалла ва оила” илмий тадқиқот институти катта илмий ходими, педагогика фанлари номзоди, доцент Ҳусниддин Норқулов, Дин ишлари бўйича қўмитанинг Амударё тумани бўйича бош мутахассиси Музаффар Шеримбетов, туман Аҳоли бандлигига кўмаклашиш маркази ходими Хушнуд Тулавбоев, туман Маҳалла ва оилани қўллаб-қувватлаш бўлими бошлиғи Алишер Йўлдошев, ўринбосари Баҳодир Болтабоевлар кун тартибидаги мавзулар юзасидан 10 та дарслар ташкил этдилар.

Ўтказилган тадбир сўнгида иштирокчиларни қизиқтирган саволларга масъуллар томонидан батафсил жавоблар берилди.

* * *

Ўзбекистон Республикаси Вазирлар Маҳкамасининг “Кексаларни  давлат томонидан қўллаб-қувватлаш тизимини янада такомиллаштиришнинг қўшимча чора-тадбирлари тўғрисида”ги қарорига мувофиқ ҳар йилнинг ноябрь ойи “Кексалар учун туризм ойлиги” қилиб белгиланган.

Ойлик доирасида ёши улуғ нуронийларни қўллаб-қувватлаш, уларнинг вақтини мазмунли ташкил этиш мақсадида турли ижтимоий лойиҳалар амалга оширилиши белгилаб қўйилган. Юртимиз бўйлаб саёҳатлар, маданий-маърифий тадбирлар, учрашувлар, “Ҳар куни 5 минг қадам” шоири остида пиёда юриш марафонлари шулар жумласидандир.

Туманимизда ҳам ойлик доирасида кўпгина тадбирлар ўтказилмоқда.

Шу йилнинг 20 ноябрида туманимиздаги фуқаролар йиғинлари раислари иштирокида Манғит шаҳрининг Янгиобод маҳалласи ҳудудида бўйлаб “Ҳар куни 5 минг қадам” шиори остида пиёда юриш марафони ўтказилди.

Марафон иштирокчилари пиёда юриш мобайнида спорт билан шуғуллуниш саломатлик гарови эканлигини, бундай жисмоний ҳаракат айниқса, ишлаб руҳан чарчаган кишиларга зарур эканлигини, пиёда юришни кундалик одатга айлантирганларини таъкидладилар.

О.Ражабова.