Туман бўйича 24 минг 993 та хонадон суюлтирилган газ билан узлуксиз таъминланмоқда

Айни кунларда бутун мамлакатимизда бўлгани каби Амударё туманида ҳам аҳолини куз-қиш мавсумида аҳоли ва улгуржи истеъмолчиларни иссиқлик ва электр энергияси билан узлуксиз таъминлаш борасида самарали ишлар олиб борилмоқда.

Туман аҳолисини асосий иссиқлик энергияси манбайи ҳисобланган табиий газ ҳамда суюлтирилган газ билан таъминлаш борасида “Ҳудудгаз Қорақалпоғистон” филиали “Амудартумангаз” газ таъминоти бўлими тизимли фаолият олиб бормоқда.

Туманда жами 38 минг 849 хонадон бўлиб, шундан 13 минг 856 хонадон табиий газ билан газлаштирилган,  24  минг 993 та хонадон суюлтирилган газдан фойдаланади. Тумандаги барча табиий газ истеъмолчиларига 5 та газ тақсимлаш пунктлари орқали табиий газ етказиб берилмоқда. Улардан иккитаси Тош ёп овулида, қолганлари Тўлқин, Назархон овуллари ҳамда Бештом маҳалласида жойлашган. Бугунги кунда фойдаланишда 407 км газ тармоқлари бўлиб, шундан 53,5 км юқори босимли, 65,3 км ўрта босимли ва 288,9 км паст босимли газ тармоқларидир. Табиий газ етказиб берувчи газ қувурларининг 15,8 км қисми ер остида ва 392 км қисми ер устида жойлашган.

Туманда жами суюлтирилган газдан фойдаланувчи 24 минг 993 та хонадон мавжуд бўлиб, шундан 12 минг 947 хонадон табиий газ етиб бормаган, 12 минг 46 хонадон эса табий газ етмаслиги сабабли суюлтирилган газга мослаштирилган.

2021 йил 1 июндан суюлтирилган газ баллонларни тарқатиш ID карталар орқали амалга оширилиши бошланган бўлиб, ҳозирда туманимиздаги суюлтирилган газдан фойдаланувчи хонадонларга ID карта таркатиш ишлари давом этмоқда ва жами айланмадаги 27 минг 982 дона ижара баллонлари, 12 минг 19 дона аҳоли ўз ҳисобидаги газ баллонларига стикерлар ёпиштирилган.

Туман аҳолисини суюлтирилган газ билан таъминлашда газ тарқатиш шохобчалари фаолияти ташкил этилган бўлиб, шохобчалардан узоқ ҳудудларда яшовчи хонадонларга махсус транспорт воситалари ёрдамида суюлтирилган газ баллонлари етказиб берилмоқда.

Шунингдек, туман буйича жами 39 та мактабгача таълим муассасалари суюлтирилган газ билан таъминланиб келинаётган бўлиб, жорий йилнинг 30 октябрь ҳолатига суюлтирилган газ бўйича белгиланган лимит 3 минг 477 тонна бўлиб, шундан 3 минг 222 тонна суюлтирилган газ олиб келиниб, аҳолига тарқатилган. Туман аҳолисига ижарага жами 27 минг 982 дона янги маиший газ баллонлари тарқатилган бўлиб, жорий йилнинг 30 октябрь ҳолатига 821 дона янги газ баллонлари ижарага тарқатилган.

“Ҳудудгаз Қорақалпоғистон” филиали “Амудартумангаз”газ таъминоти бўлими туман аҳолиси ўртасида ис гази ва табиий газдан заҳарланиш, газ-ҳаво аралашмасининг чақнаши оқибатида портлаш ва ёнғинлар келиб чиқиши каби фавқулодда вазиятларнинг олдини олиш борасида тушунтириш-тарғибот ишларини олиб бормоқдалар. Тарғибот тадбирларини ташкил этишда туман ҳокимлиги масъул ходимлари, туман Фавқулодда вазиятлар бўлими ходимлари, туман Электр тармоқлари корхонаси ходимлари билан ҳамкорлик қилиниб, кўпчилик аҳоли вакиллари жалб этилмоқда.

Ж.Ерметов, “Амударётумангаз” газ таъминот бўлими бошлиғи.