НИКОҲ ҚОНУНИЙ ҚАЙД ЭТИЛСА, МУНОСАБАТЛАР МУСТАҲКАМ БЎЛАДИ
Ўзбекистон Республикасида Оила кодексининг 14- ва 15-моддаларига мувофиқ, никоҳланувчиларнинг ўзаро розиликлари ва уларнинг никоҳ ёшига етганликлари никоҳ тузишнинг асосий шартлари ҳисобланади.
Никоҳ никоҳ тузишни хоҳловчи шахслар бу тўғрида белгиланган намунадаги электрон ариза билан мурожаат этган кундан кейин бир ой ўтгач, улардан бирининг яшаш жойидаги ФҲДЁ органи томонидан қайд этилади.
Белгиланган намунадаги ариза никоҳланувчиларнинг шахсини тасдиқловчи ҳужжатлари асосида тўлдирилади ва барча саволларга аниқ, тўлиқ жавоблар берилиши керак. ФҲДЁ органида аризани қабул қилаётганда никоҳланувчиларга никоҳ тузиш тартиби ва шартларини, келгусида эр-хотин ва ота-она сифатида вужудга келадиган ҳуқуқлари, мажбуриятлари тушунтирилади. Бир-бирининг саломатликлари ва оилавий аҳволи тўғрисида хабардор эканликларига ишонч ҳосил қилиши керак.
ФҲДЁ органи томонидан шахсини тасдиқловчи ҳужжатлари бўйича аризачиларнинг қонуний никоҳда туриш-турмаслигини текшириб кўрилиши керак.
Никоҳни қайд этиш фақат никоҳланувчи шахсларнинг иштирокида амалга оширилади. ФҲДЁ органлари никоҳланувчи шахсларнинг тиббий кўрикдан ўтганлигига ҳамда ушбу текширувларнинг натижалари тўғрисида уларнинг хабардор эканлигига ишонч ҳосил қилиши керак.
Айтиш жоизки, туманимизда ўтган тўққиз ой мобайнида 1282 та никоҳ қайд этилган бўлиб, улардан 203 нафари тантанали равишда никоҳи қайд қилинишини сўраб мурожаат қилган.
Никоҳланувчилардан бири эр ёки хотиннинг фамилиясини қабул қилса, у ҳолда паспортини бир ой ичида алмаштириши зарурлиги тўғрисида огоҳлантирилади ва паспортга бу ҳақда белги қўйилади. Бу борадаги ва бошқа тартиб-қоидалар ФҲДЁ органларида батафсил тушунтирилади.
У.Аширбаева, туман ФҲДЁ бўлимининг 1-тоифали инспектори.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
