Туманимизда куз-қиш мавсумига тайёргарлик ишлари олиб борилмоқда
Ҳозирда бутун мамлакатимиз бўйлаб ҳудудларда ижтимоий соҳа обектларини куз-қиш мавсумига тайёрлаш ишлари амалга оширилмоқда. Коммунал соҳага даҳлдор хизматларнинг иш сифати ва самарадорлигини ошириш бўйича зарур чоралар кўрилмоқда. Хусусан, аҳолини энергия ресурслари билан узлуксиз таъминлаш йўналишида самарали ишлар ташкил этилмоқда. Шу билан бирга, камчиликлар аниқланган биноларни таъмирлаш бўйича қатор ишлар олиб борилмоқда.
Амударё туманида ҳам 2021-2022 йилларда ижтимоий соҳа объектларининг куз-қиш мавсумига тайёргарлиги бўйича тизимли ишлар йўлга қўйилди. Хусусан, туманда мавсумга тайёргарлик юзасидан жорий йилги инвеститция дастурлари асосида 35-сонли мактаб биносини реконструкция қилиш ишлари амалга оширилмоқда.
“Обод қишлоқ” ва “Обод маҳалла” дастурлари доирасида 2-сонли ва 63-сонли мактаб биноларини реконструкция қилиш, 85-сонли мактаб биносини таъмирлаш, 43-сонли мактаб ва 72-сонли мактаб филиали биноларини мукаммал таъмирлаш ишлари сифатли амалга оширилмоқда. Шунингдек, 28-сонли мактаб биносини таъмирлаш ишлари тўлиқ якунланиб, 21-сонли мусиқа мактабини жорий таъмирлаш ишлари олиб борилмоқда. Сайлов участкалари жойлашган мактабларда ҳам мавжуд камчиликлар бартараф этилмоқда.
Қолаверса, тумандаги мактабгача таълим ташкилотларида ҳам куз-қиш мавсумига тайёргарлик бўйича қатор ишлар қилинмоқда. Таълим-тарбия масканлари биноларидаги камчиликлар аниқланиб, уларни бартараф қилиш чоралари кўрилмоқда. Жумладан, инвестиция дастури доирасида 21-сонли МТТ биносини реконструкция қилиш ишлари бажарилмоқда. “Обод қишлоқ” ва “Обод маҳалла” дастурлари доирасида 45-сонли МТТ биносини реконструкция қилиш ишлари амалга оширилмоқда. Маҳаллий бюджет маблағлари хисобидан 23-сонли МТТ биносини жорий таъмирлаш ишлари амалга оширилиб, хозирда ишлар тўлиқ якунланди.
Шу билан бирга, тумандаги кўп қаватли турар жойлар бинолари ҳам мавсумга тайёрланмоқда. Хусусан, Гулзор маҳалласи Наби Рахмимов кўчасида 2 та ва Фаровон маҳалласи Навбаҳор кўчасида 1 та, жами 3 та кўп қаватли уй-жойларнинг том қисмида мукаммал таъмирлаш ишлари амалга оширилмоқда.
2021-2022 йиллар куз-қиш мавсумига тайёргарлик кўриш мақсадида аҳолини ҳамда ижтимоий соҳа объектларини кўмир билан таъминлаш ишлари ҳам ўз ниҳоясига етказилди. Хусусан, аҳоли хонадонларига 9963 тонна, туман Халқ таълими бўлимига 1675 тонна, туман мактабгача таълим бўлимига 525 тонна, соғлиқни сақлаш ташкилотларига 260 тонна, 1-сонли касб-ҳунар мактабига 56 тонна, туман Маданият бўлимига 72 тонна кўмир маҳсулотлари етказиб берилди.
Таъкидлаш керакки, мамлакатда коронавирус билан боғлиқ вазият тобора жиддий тус олаётгани, куз-қиш мавсумида шамоллаш ва унга ёндош касалликларнинг кўпайишини инобатга олиб, аҳолини иссиқлик энергияси билан таъминлаш, биноларни мавсумга тайёрлаш ишларига алоҳида эътибор қаратилмоқда.
Бу борада амалга оширилаётган самарали ишлардан аҳолига қулай турмуш шароитларини яратиш ҳамда жорий йилги куз-қиш мавсумини беталофат ўтказиш мақсади кўзланган.
Туман ҳокимлигининг Ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
