Зафарларга йўлловчи маёқ
Матбуот - бу халқимиз ҳаётининг кўзгуси, унинг орзу-истаклари, қалб садолари ифодаси, халқимизнинг ҳар бир ютуқ ва зафарларини мадҳ этиб, фаровон ҳаёти учун фидокорона меҳнат қилган инсонларни элимизга тарбиялаб берган ибрат мактаби вазифасини бажариб келаётган ёрқин машъалдир.
Нопокларнинг қилмишларини фош қилиб, халқни, ёш авлодни бундай хатолардан асраш, давр билан ҳамнафас яшашга ўргатиш ҳам унинг бурчидир. Бу масъулиятли вазифани моҳирлик ва садоқат, фидойилик билан бажариб келаётган газетамиз ўзининг 80 йиллик юбилейини нишонламоқда. Менинг тақдирим ҳам шу газета билан боғланган.Меҳнат фаолиятимни 1973 йилнинг 1 сентябридан, газета муҳаррирининг ўринбосари вазифасида ишлашдан бошладим. 1975 йилнинг 1 октябрь санасидан газетага муҳаррир қилиб тайинландим.
Икки йил олий партия мактабининг журналистика бўлимида ўқиб, имтиёзли диплом олгач, яна ўз юртимга, ўз газетамга ишга келдим. 1990 йилда мени "Халқ сўзи” газетасига ишга қабул қилишди. Туманимиз газетаси обрўсини собиқ иттифоқ журналистлар союзи эътибор ва ҳурматига сазовор этиш, собиқ СССР журналистлар иттифоқининг икки съезди делегати, Журналистлар союзи бошқаруви аъзоси бўлиб сайланиш бахтига сазовор бўлдим. Журналистлар халқимиз учун, Ватанимиз учун энг садоқатли, энг фидойи инсонлар. Туманимиз ҳаётининг кўзгуси - газетамиз доимо замон билан ҳамнафас, олға интилувчан, жанговар газета бўлди ва шундай бўлиб қолади. Бугун Ватанимиз обрўси, туманимиз шон-шуҳрати йўлида садоқат ва фидойилик кўрсатиб келаётган газетамиз таҳририяти ходимларини, унинг мухлисларини қутлуғ байрам билан табриклаб, уларнинг ишларига зафарлар тилайман.
Халқимиз ҳаётининг машъали мангу порлаб тураверсин!
Гулнора МАТЁҚУБОВА, Қорақалпоғистонда хизмат кўрсатган журналист.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
