Ўзбекистон ННТМА Қорақалпоғистон Республикаси ҳудудий бўлинмасининг хисобот-сайлов конференцияси ўтказилди

Жорий йилнинг 6 апрель куни Ўзбекистон Савдо-саноат палатаси Қорақалпоғистон Республикаси ҳудудий бошқармаси мажлислар залида Ўзбекистон нодавлат нотижорат ташкилотлари миллий ассоциацияси Қорақалпоғистон Республикаси ҳудудий бўлинмасининг хисобот-сайлов конференцияси ўтказилди.

Конференцияда Ўзбекистон нодавлат нотижорат ташкилотлари миллий ассоциацияси раҳбарияти, Ассоциация аъзолари, давлат ҳокимияти ва бошқаруви органлари, ННТ ва фуқаролик жамиятининг бошқа институтлари ҳамда ОАВ вакиллари иштирок этди.

Конфренцияда Ўзбекистон нодавлат нотижорат ташкилотлари миллий Ассоциацияси ҳудудий бўлинмасининг 2019-2021 йиллар давомида амалга оширган ишлари атрофлича муҳокама этилди. Шунингдек, Уставга мувофиқ, навбатдаги республика ҳисобот-сайлов конференциясига Қорақалпоғистон Республикасидан делегатлар сайлаш масаласи кўриб чиқилди.

Таъкидлаш жоизки, Ўзбекистон нодавлат нотижорат ташкилотларининг миллий Ассоциацияси 2005 йилнинг май ойида таъсис этилган бўлиб, фаолиятининг асосий мақсади давлат ва жамият қурилишининг устувор вазифаларини амалга ошириш, эркин, очиқ ва кучли фуқаролик жамиятини шакллантиришда жамоат ташкилотларининг ташкилий ва интеллектуал ресурслари ҳамда саъй-харакатларини бирлаштириш ва мувофиқлаштириш ишларига қаратилган.

Бинобарин, Ўзбекистон Республикаси Президентининг 2021 йил 3 мартда “Нодавлат нотижорат ташкилотларини давлат томонидан қўллаб-қувватлаш, уларнинг фаолияти эркинлиги, ҳуқуқлари ва қонуний манфаатлари ҳимоя қилинишини таъминлашга оид қўшимча чора-тадбирлар тўғрисида”ги ПҚ-5012-сон Қарори ҳамда 2021 йил 4 мартда “2021-2025 йилларда фуқаролик жамиятини ривожлантириш Концепциясини тасдиқлаш тўғрисида”ги ПФ-6181-сон Фармони қабул қилинганлиги Ассоциация ва унинг ҳудудий бўлинмалари фаолиятини сифат жиҳатидан янги босқичга кўтаришда муҳим омил бўлди.

Ассоциация ўз фаолиятини асосан хотин-қизлар ва ёшлар, ҳуқуқий, экология, иқтисодиёт ва таълим, спорт-соғломлаштириш каби йўналишларда амалга ошириб келмоқда.

Бугунги кунда республиканинг барча ҳудудларида Ассоциациянинг ҳудудий бўлинмалари фаолият юритмоқда. Ҳудудий бўлинмалар, энг аввало, мамлакатни ижтимоий, социал-иқтисодий ривожлантиришнинг долзарб масалаларини ҳал этишда ННТлар салохиятини мустаҳкамлаш, давлат органлари билан самарали ижтимоий шериклик муносабатларни ривожлантириш ишларига муносиб хисса қўшиб келмоқдалар.

Конфренцияда ҳудудий бўлинма бош координатори Г.Жоллыбекованинг Ўзбекистон нодавлат нотижорат ташкилотлари миллий Ассоциацияси ҳудудий бўлинмасининг 2019-2021 йиллар давомида амалга оширган ишлари тўғрисидаги маърузаси тингланди.

Маърузада таъкидланганидек, бугунги кунда Қорақалпоғистон Республикасида адлия вазирлигидан рўйхатдан ўтган 618 та нодавлат нотижорат ташкилотлари ва фуқаролик жамиятининг бошқа институтлари фаолият юритмоқда. Уларнинг 400 таси давлат рўйхатидан, 218 таси хисоб рўйхатидан ўтказилган.

Қорақалпоғистон Республикасидаги ННТларнинг фаолият соҳалари бўйича таҳлили шуни кўрсатмоқдаки, энг кўп сиёсий партия соҳасида 90 та, спорт соҳасида 71 та, ёшлар соҳасида 73 та ва ногиронлар соҳасида 36 та ННТ фаолият юритмоқда. Энг кам йўналишлар, бу журналистика ва ОАВ (1 та), таълим, техника, ван ва илмий – тадкикот (6 та) ва миллий маданий марказлар (6 та) ҳисобланади.

Шунингдек, ННТларнинг ташкилий-ҳуқуқий шаклига кўра таҳлили Қорақалпоғистон Республикасида 459 та жамоат бирлашмаси, 44 та жамоат фонди, 64 та муассаса, 57 та уюшма ва 52 та бошқа ННТлар мавжудлигини кўрсатмоқда.

Ўтган йиллар давомида ҳудудий бўлинма томонидан 15 дан ортиқ тадбирлар, шу жумладан “давра сухбатлари”, семинарлар, семинар-тренинглар, давлат ҳокимияти ва бошқарув органлари вакиллари билан учрашувлар, мониторинг тадқиқотлари ва бошқа маданий-маърифий тадбирлар ўтказилган.

Шунингдек, вилоятда қабул қилинаётган ҳудудларни комплекс ижтимоий-иқтисодий ривожлантириш дастурларида белгиланган вазифаларни амалга оширишда ННТлар иштирокини кенгайтиришга, ННТларнинг мурожаатлари билан ишлашга алоҳида эътибор бериб келинмоқда.

Хусусан, фуқароларга ННТларни давлат рўйхатидан ўтказиш ва Низомларини ишлаб чиқиш тартиб-таомиллари хусусида, ННТлар вакилларига ўтказиладиган тадбирларни адлия органлари билан келишиш, Ўзбекистон Республикаси Олий Мажлиси ҳузуридаги Жамоат Фонди томонидан эълон килинган давлат гранти танловларида иштирок этиш, амалга оширилган лойиҳалар якунлари бўйича хисоботларни тайёрлаш ва тақдим этиш масалалари бўйича амалий тавсия ва тушунчалар бериб келинмоқда.

Сўнгги йилларда нодавлат нотижорат ташкилотлари ва фуқаролик жамиятининг бошқа институтларини қўллаб-қувватлаш, давлат органлари ва улар ўртасида ижтимоий шерикликни кучайтириш, таъсирчан жамоатчилик назоратини амалга ошириш, шунингдек, ушбу соҳани тартибга солувчи ҳуқуқий базани такомиллаштириш борасида изчил ишлар олиб борилди.

Хусусан, охирги 4 йилда нодавлат нотижорат ташкилотлари ва фуқаролик жамияти бошқа институтларининг 1 270 дан ортиқ лойиҳаларини қўллаб-қувватлаш мақсадида Давлат бюджетидан 117 миллиард сўм миқдордаги маблағлар ажратилди.

Хусусан, 2018-2020 йиллар давомида Олий Мажлиси ҳузуридаги Жамоат фонди томонидан Қорақалпоғистон Республикасидаги ННТ ва фуқаролик жамиятининг бошқа институтларининг жами 46 та лойиҳаси 1 млрд. 411 млн. сўмга молиялаштирилган.

Мазкур 46 та ижтимоий аҳамиятли давлат гранти лойиҳаларининг 31 таси ННТлар, 11 таси ОАВ ҳамда 4 таси МФЙлар томонидан амалга оширилган.

Конференция ишида ННТлар талаблари ва эхтиёжлари хисобга олинган ҳолда Ассоциациянинг янги таҳрирдаги Устави ва тузилмаси ҳамда 2021 йилдаги фаолиятининг Дастури (йўл харитаси) лойиҳаларига қўшимчалар киритиш юзасидан ННТлар вакиллари томонидан бир қатор конструктив таклифлар билдирилди.

Конференция муҳокама этилган масалалар юзасидан тегишли қарорлар қабул қилинди.

Конференциянинг якуний қисмида ташкилий масала кўрилди. Ўзбекистон нодавлат нотижорат ташкилотлари миллий Ассоциациясининг республика хисобот-сайлов конференциясига Қорақалпоғистон Республикасидан 2 нафар делегат бир овоздан сайланди.