САҲНАДА ГЎЗАЛЛИКЛАР ЯРАТГАН АЁЛ
Юртимизда байрамлар кўп. Айниқса, баҳор фасли байрамлар билан бошланиб, эл-юртни файзга тўлдиради. Бутун халққа кўтаринки руҳ бағишлаб, шодиёналар шодиёналарга уланади. Байрамлар арафасида барча ҳудудлардаги Маданият марказлари томонидан катта тайёргарлик кўрилади. Оммавий байрам тадбирлари чуқур ғоявий мазмун билан бойитилиб, аҳолининг маънавий-маданий ҳордиқ чиқаришига имконият яратилади.
Катта шодиёналар, қутлуғ айёмлар муносабати билан туманимиздаги Маданият бўлими томонидан ҳам байрам дастурлари тайёрланиб, намойиш этилади ва аҳолига кўтаринки кайфият улашилади. Айниқса, юксак маҳорат билан безатилган саҳна, турли декорациялар, ижрочиларнинг дид билан танланган либослари руҳиятни янада кўтаради. Барчага байрамона руҳ бахш этиб, атрофга ҳам ўзгача файз киритади.
Байрамларда аҳолига тақдим этиб келинаётган турли дастурлар, тадбирларнинг чиройли, мазмунли чиқишига, юқори савияда ўтказилишига бўлимнинг ҳар бир ходими қаторида либослар бўйича мутахассис, саҳна безакчиси Меҳрибон Йўлдошева ҳам фидойилик билан ўз ҳиссасини қўшиб келмоқда. Ҳар бир тадбирда ўз маҳоратини намойиш этиб, янги ғоялар топишга, саҳнани бекаму-кўст безашга, либосларга ўзгартиришлар киритиб, байрамларга мос андозалар яратишга ҳаракат қиладиган мутахассис фидойи ходим сифатида барчага ўрнак бўлиб келмоқда.
Меҳрибон Йўлдошева соҳада 11 йилдан буён фаолият кўрсатмоқда. У либосчи бўлиш билан бирга “Офарин” фольклор-этнографик халқ жамоаси аъзоси ҳамдир. Республика, туман миқёсидаги фольклор чиқишларда ўз истеъдодини, маҳоратини намойиш этиб, эл эътирофига сазовор бўлмоқда. Халқ сайллари, Наврўз ва Мустақиллик байрамларида, фольклор йўналишдаги кўрик-танловларда жамоа чиқишларининг мазмунан бойишига ўз ҳиссасини қўшмоқда.
Ўзининг меҳнат фаолияти давомида туман ижтимоий ҳаётида фаол иштирок қилиб келаётган бу фидойи аёл касбдошларига ғамхўр, хушмуомала, ҳалол ва камтар инсон, намунали оила бекаси, 4 нафар фарзанди бор. Ўз фарзандларини эл-юрт манфаатига ярайдиган, муносиб инсонлар этиб вояга етказмоқда.
У байрам арафасида туман ҳокимининг Фахрий ёрлиғи билан тақдирланди. Элда ва касбдошлари орасида ўз масъулиятлилиги билан эътибор қозонган, саҳналарни байрамона безатиб, гўзалликлар яратиб келаётган фидойи аёлни бу каби рағбатлар янада кўпроқ меҳнат қилишга ундайди.
О.Худойберганова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
