СОБИҚ ҚУРОЛДОШЛАР УЧРАШДИЛАР
Жорий йилнинг 15 февралида СССР Қуролли Кучлари афғон тупроғидан олиб чиқилганига 32 йил тўлади. Бу кун Афғонистонда чорак асрча давом этган ўзаро урушларга барҳам бериш учун собиқ иттифоқ армияси сафида жўнатилиб, мураккаб шароитларда жанг-у жадалларда қатнашиб, омон қайтган туманимизнинг собиқ афғончилари учун чинакам байрам. Сана муносабати билан ҳар йили мамлакатимизда турли тадбирлар ўтказилади, собиқ афғончиларга ҳурмат-эътибор кўрсатилади.
Шу йилнинг 10 февралида Ўзбекистон ветеран жангчи фахрийлар ва ногиронлар бирлашмаси Қорақалпоғистон Республикаси бўлимининг тумандаги вакили Баҳодир Жуманиёзов ва собиқ афғончи жангчилар Рустам Хўрозов, Озод Хўжаниёзовлар Аёқчи маҳалласида истиқомат қилувчи, Афғонистонда ҳарбий хизмат бурчини бажариш чоғида яраланиб, 11 гуруҳ ногирони бўлиб қолган Қўзибой Давлетов, Озод Ўрозметов, Бешовул маҳалласида яшовчи Баҳром Раҳимовлар хонадонида бўлишиб, ҳол-аҳвол сўрашди, дилдан суҳбатлашди ва бугунгидай дориломон кунларда яшаётганларига шукроналар айтишди. Шунингдек, Торёп маҳалласида туғилиб ўсган ва афғон урушидан ногирон бўлиб қайтиб, ҳаётдан бевақт кўз юмган Нориммат Болтабоев хонадонига боришиб, ҳақига қуръон тиловат қилдилар.
Бунингдек тадбирлар туманимизнинг барча ҳудудларида ҳам ўтказилмоқда.
Маҳмуджон ШОМУРОДОВ.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
