ПРОБАЦИЯ ҲИСОБИДАГИ ХОТИН-ҚИЗЛАРГА ҲУҚУҚИЙ ТУШУНЧАЛАР БЕРИЛДИ
Барча жойларда бўлгани каби Қорақалпоғистон Республикасида ҳам аҳолининг ҳуқуқий маданиятини оширишга эътибор қаратилмоқда. Шу мақсадда судларнинг асосий қисми жойларда, сайёр суд мажлисларида кўриб чиқилмоқда. Бундай тадбирлардан кейин эса аҳоли билан бевосита мулоқот қилиб, уларга қонунчиликдаги ўзгаришлар, жиноят оқибатлари кенг тушунтириб борилмоқда.
14 январь куни мазкур вазифаларнинг ижросини таъминлаш мақсадида туман Адлия бўлими томонидан Ички ишлар органлари Пробация гуруҳи билан ҳамкорликда пробация ҳисобидаги хотин-қизлар билан учрашув ўтказилди. Тадбирда туман Адлия бўлими, Пробация гуруҳи масъуллари иштирок этдилар. Ушбу тадбирда иштирок этган масъуллар инсон ҳуқуқ ва манфаатларини таъминлаш, қадр-қимматини юксалтириш ҳар қайси жамиятда долзарб аҳамиятга эга эканлиги хусусида сўз юритдилар.
Масъуллар томонидан Ўзбекистон Республикаси Олий Мажлиси Сенати раиси Танзила Норбоева ҳамда Қорақалпоғистон Республикаси Жўқорғи Кенгеси раиси Мурод Камолов томонидан 2020 йил 12 ноябрда “Қорақалпоғистон Республикасида жиноятларни жиловлаш, жиноятчилик профилактикасини янада такомиллаштириш, одил судловни таъминлаш ва коррупциядан холи ҳудудга айлантириш” бўйича Йўл харитаси тасдиқланганлиги тўғрисида маълумот берилди. Унга кўра Қорақалпоғистон Республикаси судлари, Қорақалпоғистон Республикаси прокуратураси, Ички ишлар вазирлиги ва Адлия вазирлигига муайян вазифалар юклатилганлиги таъкидланди.
Тадбирда судларга электрон мурожаат қилиш, аризалар ҳолатини онлайн тарзда кузатиш, тарафларга маълумотларни электрон шаклда юбориш имкониятини яратувчи янги тизим ишга туширилаётгани ҳамда видео конференц алоқа тизими бўйича олиб борилаётган ишларнинг суд жараёнларида коррупция омили камайишига сабаб бўлиши тўғрисида сўз юритилди.
Тадбир давомида муқаддам жиноят содир этиб, пробация ҳисобида турган хотин-қизлар билан суҳбат ўтказилди. Кундалик ҳаётда улар ечим топа олмаётган ҳуқуқий муаммолар муҳокама қилинди ва ушбу муаммоларни бартараф қилиш юзасидан бепул ҳуқуқий маслаҳатлар берилди. Шунингдек, ушбу аёлларга ижтимоий нафақа, алимент, мигрантлар ҳуқуқлари, меҳнат ҳуқуқи каби масалаларда тайёрланган инфографик материаллар тарқатилди.
Тадбирда иштирок этган пробация ҳисобидаги хотин-қизларга соҳа ходимлари томонидан кенг турдаги ҳуқуқий тушунчалар, йўл-йўриқлар берилди ва улар билан жиноятчилик оқибатлари, ҳаётда тўғри йўлдан бориш, ҳалол меҳнат қилиш борасида ҳам суҳбатлашилди. Мазкур тадбир аёлларнинг ҳуқуқий билимларни оширишда муҳим аҳамият касб этди.
Мўминжон Матюсупов, туман Адлия бўлими бошлиғи.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
