ТУМАН ИЧКИ ИШЛАР БЎЛИМИ РАҲБАРИЯТИ ТИНЧЛИК БАРҚАРОР БЎЛИШИГА ҲИССА ҚЎШГАН ФАОЛЛАРНИ ТАҚДИРЛАДИ
Амударё тумани Ички ишлар бўлими ҳудудимизда аҳолининг тинч ва осойишта ҳаёт кечириши, меҳнат қилишини таъминлаш борасида маҳаллий бошқарув органлари билан ҳамкорликда иш юритиб, кўпгина ютуқларга эришмоқда. Жумладан, ичкиликка берилиб кетган, ҳуқуқбузарлик содир этишга мойил шахслар, тарбиясида бўшлиқ пайдо бўлган ёшлар барвақт аниқланиб, тегишли чоралар кўрилмоқда. Натижада аввалги йилларга қараганда туманимизда жиноятларнинг кўпгина турлари камайишига, жиноятлардан ҳоли ҳудудлар кўпайишига эришилаяпти.
Ҳар йили йил якунига кўра туманимизнинг жиноят содир этилмаган ҳудудлари профилактика инспекторлари, овул, маҳалла фуқаролар раислари, ўринбосарлари, «Фидокор ёшлар» жамоатчилик патруль гуруҳлари аъзолари, жиноятчиликнинг олди олинишида шахсий ибрат кўрсатадиган фуқароларини туман Ички ишлар бўлими муносиб тақдирлаб келмоқда.
22 декабрь куни ҳам Амударё тумани Ички ишлар бўлимида ана шундай йиғилиш ўтказилди. Йиғилишда туман Ички ишлар бўлими бошлиғи Улуғбек Худойберганов, бўлимнинг ҳуқуқбузарликлар профилактикаси бўлинмаси бошлиғи Орифжон Қосимовлар туманимизда тинчлик-осойишталик сақланишига муносиб ҳисса қўшганларга улкан миннатдорчилик билдирдилар.
Жорий йилда фаолияти самарали деб топилган 10 нафар профилактика инспектори, 2 нафар ўзини-ўзи бошқариш органлари раҳбарлари, 2 нафар ўринбосарлари, 4 нафар «Фидокор ёшлар» жамоатчилик патруль гуруҳлари аъзолари ва 1 нафар фуқаро туман Ички ишлар бўлимининг пул мукофотлари ва эсдалик совғалари билан тақдирланди.
Йиғилишда Хизр эли ва Навоий номли маҳаллалар фуқаролар йиғинлари раислари Отабек Тўраев ва Ваҳоб Ўрозалиевлар ўзларининг меҳнатларини юксак баҳолаган туман Ички ишлар бўлими раҳбарларига улкан миннатдорчилик билдирдилар.
Тинчлик – улуғ неъмат! Унинг барқарор бўлиши йўлида қилинган хайрли ишлар, албатта, эътирофларга лойиқдир.
Ойгул РАЖАБОВА
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
