ҲАРБИЙ ХИЗМАТГА ЧАҚИРИЛУВЧИЛАР ТАНЛАБ ОЛИНМОҚДА
1994-2003 йилларда туғилган фуқароларни 2021 йилги чақирувга тайёрлаш мақсадида Ўзбекистон Республикаси Вазирлар Маҳкамасининг 2019 йил 9 апрель кунги “Чақирилувчиларни танлаб олиш тартиби тўғрисидаги низомни тасдиқлаш ҳақида”ги 291-сонли қарори талабларига мувофиқ Амударё тумани ҳокими қарори билан тайинланган Танлов Кенгаши билан ҳамкорликда белгиланган режа ва жадваллар асосида чақирилувчиларни танлаб олиш тадбирлари олиб борилмоқда.
Режага асосан жорий йилнинг 25 сентябрь ва 14-29 октябрь кунлари чақирилувчиларнинг умумжисмоний тайёргарлиги синовдан ўтказилди.
Ушбу умумжисмоний тайёргарлик синовларидан муваффақиятли ўтган чақирилувчилар туман МИБ бошлиғи томонидан тасдиқланган жадвалга асосан якка тартибдаги суҳбат синовидан ўтказилди.
Чақирилувчилар билан суҳбат жараёнида уларнинг Ўзбекистон тарихи, буюк аждодларимиз А.Темур, Жалолиддин Мангуберди, Бобур ва бошқа буюк саркарда боболаримиз ҳақидаги билимлари аниқланди. Суҳбат жараёнида Танлов Кенгаши аъзолари чақирилувчиларни қизиқтирган барча саволларга жавоб беришди ҳамда уларни буюк аждодларимиз каби ватанпарвар, элпарвар ва фидойи бўлишга ундадилар.
Қуролли Кучлар таркибини ватанпарвар, фидойи ва садоқатли ёшлар билан бутлаш мақсадида туман Танлов Кенгаши томонидан олиб борилган якка тартибдаги суҳбатдан муваффақиятли ўтган чақирилувчилар муддатли ҳарбий хизматга тавсия этилдилар.
Туманимизда Танлов Кенгаши билан ҳамкорликда чақирилувчиларни танлаб олиш ишлари давом этмоқда.
Тоҳир Болтаев, туман Мудофаа ишлари бўлими чақирув бўлинмаси бошлиғи.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
