“Aму қуёши” нодавлат мактабгача таълим ташкилотида фидойи тарбиячилар меҳнат қилмоқда

Бугунги кунда ёш авлод таълим-тарбияси жамият ҳаётидаги, юрт равнақига эришиш йўлидаги устувор вазифага айланган. Шу боисдан ҳам фарзандларимизни баркамол авлод қилиб шакллантиришда энг муҳим аҳамият касб этувчи таълим-тарбия фидойилари бўлган устоз ва мураббийлар, тарбиячиларнинг жамиятдаги ўрни ва мавқеи тобора оширилиб, уларнинг ўз соҳаларида самарали фаолият олиб боришлари учун барча имконият ва шарт-шароитлар яратиб берилмоқда. Шу мақсадда замонавий шарт-шароитлар мавжуд бўлган таълим-тарбия масканлари бунёд этилмоқда.

Айниқса, юртимизда фарзандларимизнинг мактабгача бошланғич таълим олишларига жиддий этибор қаратилиб, мактабгача таълим муассасалари сони йилдан йилга ортиб бормоқда. Янги замонавий кўринишга ва қулайликларга эга бўлган таълим-тарбия даргоҳлари ташкил қилиниб, келажагимиз эгалари бўлган жажжи болажонлар замон талаблари асосида тарбияланмоқда.

Туманимизда 2019 йил 1 мартдан ўз фаолиятини бошлаган “Aму қуёши” нодавлат мактабгача таълим ташкилотида ҳам фарзандларимизнинг муносиб таълим ҳамда тарбия олишлари учун барча имконият, шарт-шароитлар яратилган. Жами 100 нафар тарбияланувчи ўрнига мўлжалланган тарбия маскани тадбиркор Манзура Жуманиёзова ташаббуси билан давлат-хусусий шерикчилик асосида ташкил қилинган. Муассаса 1 млрд. 284 млн. сўм кредит маблағи ҳамда 500 млн. сўмдан ортиқ тадбиркорнинг ўз маблағи, жами 1 млрд. 800 млн. сўмга яқин маблағ эвазига бунёд этилган. Тарбия маскани керакли жиҳозлар билан жиҳозланган, турли хилдаги ўйинчоқлар билан таъминланган, бинода замон талабига мос иситиш ускуналари ўрнатилган, болажонлар учун чўмилиш ҳавзаси қурилган.

Ҳозирда “Aму қуёши” нодавлат мактабгача таълим ташкилотида жами 23 нафар ходим болажонларга таълим-тарбия беришда ўзларининг муносиб ҳиссаларини қўшмоқдалар. Шундан 15 нафари педагог ходимлар ҳисобланади. Муассасада раҳбарлик қилаётган Сайёра Жумамуродова бошчилигидаги аҳил жамоа эртамиз эгалари бўлган баркамол авлодни вояга етказишда фидоийлик билан меҳнат қилмоқда.

Маълумот тариқасида айтиш жоизки, бугунги кунда туманимиздаги мактабгача таълим ташкилотлари сони 106 та бўлиб, шундан 50 таси давлат, 3 таси давлат хусусий шерикчилик асосида ташкил қилинган нодавлат мактабгача таълим ташкилоти ва 53 таси оилавий нодавлат мактабгача таълим ташкилотлари ҳисобланади. Уларга қамраб олинган болалар сони 9 минг 627 нафардан иборатдир. Ҳозирги кунда туманимизда мактабгача ёшдаги болаларни қамраб олиш кўрсаткичи 58,2 фоизга етди.

Ҳукуматнинг бугунги кундаги оғир синовли вазият – пандемия сабабли мактабгача таълим ташкилотларида коронавирус инфекциясининг профилактикаси бўйича чора-тадбирларни кучайтириш мақсадида қабул қилинган тегишли қарори билан тумандаги барча турдаги барча турдаги мактабгача таълим ташкилотлари фаолияти вақтинча тўхтатилди.

Мамлакатда эпидемиологик вазият бироз яхшиланиши билан пандемия шароитида нодавлат мактабгача таълим ташкилотлари фаолиятини қайта ташкил этишга қаратилган чора-тадбирлар асосида тумандаги 3 та давлат-хусусий шерикчилик асосидаги ҳамда 41 та оилавий нодавлат мактабагача таълим ташкилотлари карантин қоидаларига амал қилган ҳолда фаолиятини қайта тиклади ҳамда гуруҳлардаги тарбияланувчилар сонини 15 нафардан оширилмаган ҳолда таълим-тарбия бериб келинмоқда. Шу жумладан, “Aму қуёши” нодавлат мактабгача таълим ташкилотида ҳам барча карантин қоидаларига амал қилган ҳолда ўз фаолиятини давом эттирмоқда. Ҳозирда тарбия масканида 4 та гуруҳда 15 нафардан жами 60 нафар тарбияланувчиларга талим-тарбия берилмоқда.  

Чарос Арслонова, туман ҳокимлигинг Ахборот хизмати раҳбари