ҚОРАҚАЛПОҒИСТОН РЕСПУБЛИКАСИ МАҲАЛЛА ВА ОИЛАНИ ҚЎЛЛАБ-ҚУВВАТЛАШ ВАЗИРИ С.ТУРМАНОВ ТУМАНИМИЗ МАҲАЛЛАЛАРИДА БЎЛДИ
Ободлик бор жойда тараққиёт бўлади, соғлом турмуш тарзи қарор топади. Жамият ҳаётида соғлом турмуш тарзи ҳукмрон бўлар экан, мамлакатнинг келажаги бўлган янги авлод баркамол вояга етади. Ҳар бир соҳада буюк ўзгаришлар ясалади, ҳар қарич ерда соғлом ҳаёт нафаси уфуриб туради. Шу боис, муҳтарам Президентимиз юртимизни боғ-у чаманга айлантириш, ҳар бир маҳалла, ҳар битта хонадон ҳудудини кўкаламзорлаштириш, ободонлаштириш хусусида деярли ҳар бир чиқишида, халқ олдидаги учрашувларида, халқ билан мулоқотларида тез-тез таъкидлайдилар.
Айни пайтда эса бутун мамлакатимиз бўйлаб “Жонажон юртим ободлигига ўз ҳиссамни қўшаман!” шиори остида барча маҳаллаларда, ҳар бир кўча ва хонадонда файзли, гўзал ва кўркам, обод ва соғлом турмуш тарзини қарор топтириш мақсадида халқимиз томонидан кенг миқёсли тадбирлар амалга оширилмоқда.
Ўзбекистон Республикаси Маҳалла ва оилани қўллаб-қувватлаш вазирлигининг 2020 йил 9 июндаги кенгайтирилган видеоселектор йиғилиши 4-сон баённомасида белгиланган вазифалар ижросини таъминлаш мақсадида “Жонажон юртим ободлигига ўз ҳиссамни қўшаман!” шиори остида Қорақалпоғистон Республикаси маҳаллаларидаги хонадонлар ва кўчаларни ободонлаштириш, кўкаламзорлаштириш бўйича 2020 йил июнь-август ойларида амалга ошириладиган кенг қамровли чора-тадбирлар режаси ишлаб чиқилди. Бу борадаги ишларни қатъий назоратга олиш ва амалий фаолият юритишни ташкил этиш бўйича масъуллар бириктирилди.
Жорий йилнинг 12 июнь санасида туманимиз маҳаллаларини обод ва кўркам гўшаларга айлантириш бўйича Қорақалпоғистон Республикаси Маҳалла ва оилани қўллаб-қувватлаш вазирлиги томонидан туманимизга бириктирилган масъуллар овул ва маҳаллаларда бўлишди. Улар ҳудудларда ишчи гуруҳлар фаолиятини самарали ташкил этиш, нуронийлар жамоатчилик Кенгаши аъзолари иштирокида ташкилий йиғилишлар ўтказиш, ушбу йиғилишда туман масъулларини фуқаролар йиғинларига бириктириш, уларнинг вазифаларини тушунтириш, семинарлар ўтказиш жадваллари ҳамда маҳаллаларда тузиладиган ишчи гуруҳларининг вазифалари юзасидан зарур тушунчалар, тавсиялар бердилар.
Қорақалпоғистон Республикаси Маҳалла ва оилани қўллаб-қувватлаш вазири Соғиндиқ Турманов раҳбарлигидаги масъуллар – вазирнинг биринчи ўринбосари М.Аҳмедова, вазир ўринбосарлари Ш.Уснатдинов ва О.Турдибоевлар туманимизнинг Чойкўл ва Қиличбой овул фуқаролар йиғинларида бўлишиб, “Жонажон юртим ободлигига ўз ҳиссамни қўшаман!” шиори остида амалга оширилаётган амалий ишлар ҳамда белгиланган чора-тадбирлар билан яқиндан танишдилар. Шу баробарида мазкур овулларда 2020 йил июнь-август ойларида амалга оширилиши режалаштирилган ишлар жадвалини кўриб чиқдилар. Шу асосида амалга ошириладиган ишлар маҳаллалар кайвонилари, нуронийлар ҳамда кўча бошчилари кўпқаватли уйлар бошлиқлари, овул оқсоқолининг маслаҳатчилари, ишчи комиссиялари ва жамоатчилик тузилмалари аъзолари, “Кексалар маслаҳати” гуруҳлари аъзолари, фаоллари ҳамда аҳоли вакиллари билан ободонлаштириш, кўкаламзорлаштириш ишларини олиб бориш юзасидан маслаҳатлар, тавсиялар бердилар.
- Ободлик бор жойда қут-барака, ривожланиш ва бири-биридан гўзал ўзгаришлар бўлади, - деди Қорақалпоғистон Республикаси Маҳалла ва оилани қўллаб-қувватлаш вазири С.Турманов Чойкўл овули нуронийлари билан бўлган учрашувда. – Кекса отахон ва онахонларимиз тонгда туриб, ҳовли-жойни супириб-сидириш, гулзорлар барпо этиш, оқар сув йўлларини тозалаш, атрофга сув сепиш инсон учун нақадар фойдали эканлигини ҳар куни, ҳар лаҳза фарзандларига, невараларига тушунтириб бориши атроф-муҳитимизнинг тоза ва кўркамлигини оширади, фарзандларимизда масъулият ҳиссини уйғотади. Жамиятда соғлом турмуш тарзи қарор топишига имкон яратади.
Шу куни Қорақалпоғистон Республикаси Маҳалла ва оилани қўллаб-қувватлаш вазири С.Турманов раҳбарлигидаги масъуллар Чойкўл ва Қиличбой овулларидаги ободонлаштириш ва кўкамзорлаштириш ишлари билан яқиндан танишиш мақсадида овуллар нуронийлари билан биргаликда кўчаларни, бири-биридан обод ва файзли хонадонларни кўздан кечирдилар. Уйларнинг фасад қисмларини ободонлаштириш, таъмирлаш, йўл бўйларига гул кўчатлари ўтқазиш юзасидан зарур топшириқ ва тавсиялар бердилар.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
