5 март куни “Ёш қутқарувчилар” кўрик-танлови ўтказилди

Мамлакатимизда ёшларнинг баркамол авлод бўлиб вояга етишлари учун уларни спортга кенг жалб қилиш, спорт билан шуғулланишларига шарт-шароит яратиш, ёшлар ўртасида соғлом турмуш тарзини шакллантириш кабиларга алоҳида эътибор қаратилмоқда. Pеспубликамиз бўйлаб ҳар йили мактаблар, касб-ҳунар коллежлари, академик лицейлар ўқувчилари ўртасида ўтказиладиган “Ёш қутқарувчилар” мусобақаси ҳам ёшлар қалбида инсонпарварлик, ватанпарварлик, ўзгалар тақдирига дахлдорлик туйғулари, масъулият ҳисси мустаҳкамланишида муҳим ўрин тутмоқда.

Туманимизда ҳам ушбу мусобақанинг ҳудудий ҳамда туман босқичлари ўтказилиб келинмоқда. Жорий йилнинг 5 март санасида туманимиздаги ХТБга қарашли 82-сонли умумтаълим мактабида “Ёш қутқарувчилар” мусобақасининг туман босқичи бўлиб ўтди. Қорақалпоғистон Pеспубликаси Халқ таълими вазирлигининг 2020 йил 25 февралдаги буйруғига асосан туман Фавқулодда вазиятлар бўлими томонидан ўтказилган мазкур мусобақада 28-,6-,84-,11-сонли мактаблар жамоалари ўзаро беллашдилар.
Кўрик-танлов 5 та шарт бўйича ўтказилди. Жамоалар савол-жавоб, биринчи тиббий ёрдам кўрсатиш, қутқарув арқонидан ўтиш амалий спорти, вақтинчалик палатка қуриш, ёнғин ўчириш эстафетаси каби шартлар бўйича билим ва куч синашдилар.
Ҳар бир шарт бўйича жамоаларни баҳолаб бориш учун Қорақалпоғистон Pеспубликаси Фавқулодда вазиятлар бошқармаси бўлим бошлиғи Улуғбек Машарипов, Ўзбекистон Ёшлар иттифоқи туман Кенгаши раиси Маҳмуд Шерметов, туман Фавқулодда вазиятлар бўлими бошлиғи Ҳамро Матёқубовлар ҳакамлик қилдилар.

Шу ўринда таъкидлаш керакки, ушбу мусобақани ўтказишдан асосан – умумтаълим муассасалари ўқувчиларини ёнғин ўчирувчи касбига қизиқтириш, фавқулодда содир бўладиган ҳодисаларда биринчи ёрдам кўрсатиш, ўзини ва ўзгаларни қутқариш чораларини ўргатиш, бу бўйича кўникмалар ҳосил қилиш каби мақсадлар кўзланади. Ушбу йўналишда тарғибот-ташвиқот ишларини бажариш, ўқувчиларнинг ёнғин хавфсизлиги бўйича амалий кўникмалари ҳамда жисмоний тайёргарлигини ошириш, ёнғин хавфсизлиги хизматига муносиб, жисмонан соғлом ва жасур ўсмирларни тайёрлаш, фавқулодда ҳодисалар чоғида тўғри ҳаракат қила билиш кўникмалари ва маҳоратини мустаҳкамлаш, ёшлар ўртасида ёнғин ўчириш амалий спортини янада ривожлантиришдан иборат.

Мусобақа юқори савияда, баҳс-мунозарага бой тарзда ўтди. Жамоалар ғолибликни қўлга киритиш учун астойдил ҳаракат қилдилар. Мусобақанинг якуний натижаларига кўра фахрли 1-ўринни 84-сонли мактаб жамоаси, 2-ўринни 28-сонли мактаб жамоаси, 3-ўринни эса 6-сонли мактаб жамоаси қўлга киритди.

Кўрик-танлов якунида тадбир ташкилотчилари нутқ сўзлаб, туманимиз ўқувчи-ёшлари хусусида илиқ фикрлар билдирдилар. Шунингдек, бугунги кунда юртимизда ёшлар сиёсатида амалга оширилаётган устувор вазифалар, уларнинг ҳуқуқлари, эркинликлари ва қонуний манфаатлари ҳимояси, жамият ҳаётидаги роли ва фаоллиги, соғлом ва баркамол ёш авлодни тарбиялаш, оилада маънавий-ахлоқий муҳитни яхшилашга қаратилаётган эътибор хусусида тўхталдилар. Шу баробарида ёшларни шижоат ва ғайрат билан билим марраларини эгаллаб, порлоқ келажак сари олға интилишга чорладилар.

Тадбирда барча иштирокчилар диплом ва эсдалик совғалари билан тақдирландилар.

Чарос Арслонова, туман ҳокимлигининг Ахборот хизмати раҳбари.