“СОFЛОМ БОЛА ЙИЛИ” янгиликлари
Ёшлар веломарафони
Шу йилнинг 18 март куни 3-сонли Амударё академик лицейида ёшларнинг маънавий-ахлоқий тарбиясини янада кучайтириш, уларнинг бўш вақтларини мазмунли ташкил этиш, ёшлар орасида ўзаро маданий-спорт алоқаларини йўлга қўйиш, уларни спорт мусобақаларига оммавий тарзда жалб қилиш мақсадида "Камолот - Тур" ёшлар веломарафонининг биринчи босқичи бўлиб ўтди.
Ўғил болалар учун 5 км., қиз болалар учун 3 км. қилиб белгиланган масофалар бўйича веломусобақаларда академик лицейнинг 303-гуруҳ ўқувчиси Сардор Гулистонов ва 201-гуруҳ ўқувчиси Меҳрибон Отажоновалар ғолибликни қўлга киритдилар.
Мусобақа ғолиблари академик лицей маъмурияти томонидан қимматбаҳо совғалар билан тақдирландилар.
"Энг фаол кўча бошчиси" кўрик-танлови
"Маҳалла” хайрия жамоат фонди бошқарувининг қарорига мувофиқ маҳаллада тинчлик ва осойишталик муҳитини мустаҳкамлашда ҳамда оилаларнинг турмуш маданиятини ошириш мақсадида туманимизнинг 47 та овул ва маҳалла фуқаролар йиғинларида "Энг фаол кўча бошчиси” кўрик-танлови ўтказилди.
"Ҳар кунимиз Наврўз бўлсин!” шиори остида 19 март куни туман марказий ўйингоҳида ўтказилган байрам тадбирида 47 нафар "Энг фаол кўча бошчиси” кўрик-танлови ғолиблари муносиб тақдирландилар ва туман ҳокимининг эсдалик совғаларини қабул қилиб олдилар.
Бундан ташқари, Наврўз - умумхалқ байрами муносабати билан фуқаролар йиғинлари ҳудудидаги кам таъминланган, ижтимоий ҳимояга муҳтож оилаларга, якка-ёлғизларга, жами 235 нафардан ортиқ оилаларга "Маҳалла” хайрия жамоат фонди туман бўлинмаси томонидан 2585000 сўмлик мурувват ва саховат ёрдамлари кўрсатилди.
36-мактаб – Япония гранти соҳиби
"Япония давлатининг кичик ҳажмдаги ижтимоий лойиҳалар учун беғараз ёрдами” дастури доирасида 1995 йилдан буён таълим ва тиббиёт муассасалари ҳамда бошқа ижтимоий соҳа объектлари иштирок қилиб, шу кунгача умумий миқдори 21 миллион АҚШ долларидан ортиқ грантлар ажратилган. 2014 йилда ҳам мазкур дастур бўйича 13 та лойиҳага 1,2 миллион АҚШ доллари миқдорида грантлар ажратилди.
Амударё
тумани Халқ таълими муассасалари фаолиятини методик таъминлаш ва ташкил этиш
бўлимига қарашли 36-сонли мактаб ҳам ушбу дастурда иштирок этди ва 80517 АҚШ
доллари миқдорида грант соҳиби бўлди. Ушбу маблағ мактаб жиҳозлари учун,
хусусан, мебель, тикув машиналари, фаоллар зали учун техник жиҳозлар ва спорт
анжомлари сотиб олиш мақсадида
ишлатилиши кўзда тутилган.
amuziyo.uz
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
