“SOFLOM BOLA YILI” yangiliklari
Yoshlar velomarafoni
Shu yilning 18-mart kuni 3-sonli Amudaryo akademik litseyida yoshlarning maʼnaviy-axloqiy tarbiyasini yanada kuchaytirish, ularning boʻsh vaqtlarini mazmunli tashkil etish, yoshlar orasida oʻzaro madaniy-sport aloqalarini yoʻlga qoʻyish, ularni sport musobaqalariga ommaviy tarzda jalb qilish maqsadida "Kamolot - Tur" yoshlar velomarafonining birinchi bosqichi boʻlib oʻtdi.
Oʻgʻil bolalar uchun 5 km., qiz bolalar uchun 3 km. qilib belgilangan masofalar boʻyicha velomusobaqalarda akademik litseyning 303-guruh oʻquvchisi Sardor Gulistonov va 201-guruh oʻquvchisi Mehribon Otajonovalar gʻoliblikni qoʻlga kiritdilar.
Musobaqa gʻoliblari akademik litsey maʼmuriyati tomonidan qimmatbaho sovgʻalar bilan taqdirlandilar.
"Eng faol koʻcha boshchisi" koʻrik-tanlovi
"Mahalla” xayriya jamoat fondi boshqaruvining qaroriga muvofiq mahallada tinchlik va osoyishtalik muhitini mustahkamlashda hamda oilalarning turmush madaniyatini oshirish maqsadida tumanimizning 47 ta ovul va mahalla fuqarolar yigʻinlarida "Eng faol koʻcha boshchisi” koʻrik-tanlovi oʻtkazildi.
"Har kunimiz Navroʻz boʻlsin!” shiori ostida 19-mart kuni tuman markaziy oʻyingohida oʻtkazilgan bayram tadbirida 47 nafar "Eng faol koʻcha boshchisi” koʻrik-tanlovi gʻoliblari munosib taqdirlandilar va tuman hokimining esdalik sovgʻalarini qabul qilib oldilar.
Bundan tashqari, Navroʻz - umumxalq bayrami munosabati bilan fuqarolar yigʻinlari hududidagi kam taʼminlangan, ijtimoiy himoyaga muhtoj oilalarga, yakka-yolgʻizlarga, jami 235 nafardan ortiq oilalarga "Mahalla” xayriya jamoat fondi tuman boʻlinmasi tomonidan 2585000 soʻmlik muruvvat va saxovat yordamlari koʻrsatildi.
36-maktab – Yaponiya granti sohibi
"Yaponiya davlatining kichik hajmdagi ijtimoiy loyihalar uchun begʻaraz yordami” dasturi doirasida 1995-yildan buyon taʼlim va tibbiyot muassasalari hamda boshqa ijtimoiy soha obʼektlari ishtirok qilib, shu kungacha umumiy miqdori 21 million AQSh dollaridan ortiq grantlar ajratilgan. 2014-yilda ham mazkur dastur boʻyicha 13 ta loyihaga 1,2 million AQSh dollari miqdorida grantlar ajratildi.
Amudaryo
tumani Xalq taʼlimi muassasalari faoliyatini metodik taʼminlash va tashkil etish
boʻlimiga qarashli 36-sonli maktab ham ushbu dasturda ishtirok etdi va 80517 AQSh
dollari miqdorida grant sohibi boʻldi. Ushbu mablagʻ maktab jihozlari uchun,
xususan, mebel, tikuv mashinalari, faollar zali uchun texnik jihozlar va sport
anjomlari sotib olish maqsadida
ishlatilishi koʻzda tutilgan.
amuziyo.uz
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
