Таълим соҳасига инновацион педагогик технологияларни кенг жорий қилиш бўйича йиғилиш ўтказилди
Туманимиздаги 82-сонли умумий ўрта таълим мактаби мажлислар хонасида туман Халқ таълими бўлими раҳбарияти, бўлим бошлиқлари, туманимиздаги умумий ўрта таълим мактаблари директорлари иштирокида йиғилиш бўлиб ўтди.
Йиғилишни туман Халқ таълими бўлими мудири О.Йўлдошев очди ва Президентимиз Ш.Мирзиёевнинг Олий Мажлисга қилган Мурожаатномасидан келиб чиқадиган вазифалар, таълим тизимида амалга оширилиши лозим бўлган чора-тадбирлар ҳақида маъруза қилди.
Йиғилишда мамлакатимизнинг келажаги бугун мактабларда илм олаётган болалар қўлидалиги, уларни ҳар жиҳатдан баркамол қилиб, замонавий билимлар билан мустаҳкам қуроллантириш, мустақил ҳаётга учирма қилиш таълим тизими ходимларининг зиммасида эканлиги таъкидланди. Шунингдек, масъуллар бунинг учун соҳага инновацион педагогик технологияларни, илғор тажрибаларни кенг жорий қилиши лозимлигига кенг тўхталди.
Ўзбекистон Республикаси Вазирлар Маҳкамаси ҳузуридаги таълим сифатини назорат қилиш давлат инспекцияси, Таълим сифатини баҳолаш бўйича халқаро тадқиқотларни амалга ошириш миллий маркази, Халқ таълими Вазирлиги билан ҳамкорликда халқаро PISSA ва PIRLS баҳолаш дастурлари ҳақида тўрт номдаги “Халқаро тадқиқотларда ўқувчиларнинг ўқиш саводхонлигини баҳолаш, “Халқаро тадқиқотларда ўқувчиларнинг математик саводхонлигини баҳолаш, “Халқаро тадқиқотларда ўқувчиларнинг табиий фанлар бўйича саводхонлигини баҳолаш”, “Халқаро тадқиқотларда бошланғич синф ўқувчиларининг ўқиш саводхонлигини баҳолаш” номли методик қўлланмаларни чоп этилгани ҳақида сўз юритилди.
Туман Халқ таълими бўлими таълим сифати мониторинги бўлим бошлиғи Равшан Холмуродов ушбу қўлланмалар туманимиздаги барча мактабларга етказиб берилгани, бундан кўзланган мақсад ўқитувчилар ва ўқувчиларнинг PISSA ва PIRLS тадқиқотлари ҳақидаги тасаввурларини бойитиш, халқаро тадқиқотларга тайёргарлик даражасини ошириш, ўқувчиларнинг ижодий ва мантиқий фикрлаш кўникмаларини ривожлантириш, шу орқали таълим сифатини оширишга эришиш эканлиги хусусида йиғилиш иштирокчиларига кенг маълумот берди.
Шунингдек, йиғилишда мазкур бўлим ҳуқуқшуноси Нилуфар Жуманиёзова Ўзбекистон Республикаси Президентининг 2019 йил 9 декабрда қабул қилинган “Бюрократик тўсиқларни янада қисқартириш ҳамда давлат органлари ва ташкилотлари фаолиятига замонавий бошқарув тамойилларини жорий қилиш чора-тадбирлари тўғрисида”ги Қарори мазмун-моҳияти, туман Ички ишлар бўлими ходими Ислом Давлатбоев эса умумий ўртатаълим мактабларининг 9-синфини тугатган ўқувчиларни Нукус шаҳридаги Қорақалпоғистон Республикаси Ички ишлар Вазирлиги академик лицейига ҳажжат топшириши, синовлардан ўтиш тартиби ҳақида маълумотлар бердилар.
Йиғилишда кўрилган барча масалалар юзасидан иштирокчиларни қизиқтирган саволларга батафсил жавоблар берилди.
О.Ражабова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
