БЎЗЁП ОВУЛИДА СЕКТОР РАҲБАРИ ТАШАББУСИ БИЛАН КАМ ТАЪМИНЛАНГАН ОИЛАЛАР ҲОЛИДАН ХАБАР ОЛИНДИ
Ҳудудларни жадал ижтимоий-иқтисодий ривожлантириш бўйича секторларнинг ташкил қилиниши мамлакат тараққиёти ва халқ фаровонлигини таъминлашда муҳим восита бўлмоқда. Навбатдаги лавҳамиз Амударё туманидаги 3-сектор раҳбари, туман Ички ишлар бўлими бошлиғи Улуғбек Худойберганов ташаббуси билан Бўзёп овулида кам таъминланган оилаларга ёрдам кўрсатиш бўйича амалга оширилаётган ишлар хусусида.
Ижтимоий аҳволи қийин бўлган, соғлиғи, ёши ва бошқа сабабларга кўра оғир аҳволга тушиб қолган шахслар ва оилалар давлатимизнинг инсонпарварлик тамойилларига кўра, ижтимоий ҳимояга олинади. Ҳар бир мамлакат ижтимоий ҳимоя тизимининг сифати ва миқдори жамият ижтимоий-иқтисодий ривожланиши даражасидан далолат беради.
Юртимизда аҳолини ижтимоий муҳофаза қилиш тизими учта асосий шаклга эга бўлиб, булар ижтимоий таъминот, ижтимоий суғурта ва ижтимоий ёрдамдир.
Бундан кўзланган мақсад аҳоли фаровонлигини муттасил ошириб бориш, аҳоли қатламларининг таълим, маданият, касб малакаси ва даромадлари жиҳатидан кескин тафовутланишига барҳам бериш, барча фуқароларга муносиб ҳаёт даражасини таъминлашдир.
Булардан ташқари халқимизнинг асрлар оша авлоддан авлодга ўтиб, сайқалланиб, бизгача етиб келган шундай ҳаётбахш урф-одатлари, қадриятлари борки, топганини биродари билан баҳам кўради, ёрдамга муҳтож бўлганлардан борини аямайди.
Аждодларимиздан мерос бўлиб келаётган бу қадриятлар ҳаётда барчани эзгу, савобли амалларни адо этишга ундаб туради.
Яқинда туманимиздаги 3-сектор раҳбари, туман Ички ишлар бўлими бошлиғи Улуғбек Худойберганов ташаббуси билан сектор ҳудудидаги кам таъминланган оилалар ҳолидан хабар олинди ва уларга моддий кўмак беришдек хайрли ишлар амалга оширилди. Тадбирда Бўзёп овул фуқаролар йиғини раиси Маҳмуд Эшчонов, профилактика инспектори, катта лейтенат Женгис Ажимов, туман Хотин-қизлар қўмитасининг Бўзёп овулидаги хотин-қизлар билан ишлаш ва оилаларда маънавий-ахлоқий қадриятларни мустаҳкамлаш бўйича мутахассиси Гулзода Кўбаевалар иштирок этдилар.
Овул ҳудудида уйма-уй юриш орқали аҳоли хонадонлари аҳволини ўрганиш давомида аниқланган ижтимоий ҳимояга муҳтож, кам таъминланган ва ногиронлиги бор фуқаро яшайдиган 3 оилага “Тажибоев Рустам” фермер хўжалиги раиси Аминбой Тожибоев, 1 оилага “Қарчиғаев Қўчқорбой” фермер хўжалиги раиси Қўчқорбой Қарчиғаев, 2 оилага “Айтбой - Отахон” фермер хўжалиги раиси Матназар Ҳайитбоев, 1 та оилага “Ўткирбек Гулмирзаевич” фермер хўжалиги раиси Ўткирбек Отажоновлар озиқ-овқат маҳсулотларини беришди. Мазкур фермер хўжаликлари раислари ўз ҳудудларидаги бу оилаларни ўз ҳомийликларига олиб, келгусида мунтазам кўмак бериб туришга келишиб олдилар.
Савоб ишни ҳамма ҳар куни қилиши керак, дейди кўпни кўрган кексалар. Айтиш мумкинки, амалга оширилаётган бунингдек хайрли амаллар неча-неча кўнгилларни обод қилади.
О.Ражабова
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
