ЭНДИ МЕН ҲАМ ЎЗБЕКИСТОН ФУҚАРОСИ БЎЛАМАН
Ҳаётда ҳар кимнинг тақдир йўллари турфа бўлар экан.
Мен асли Туркманистон давлатида туғилиб, Амударё туманининг Тошёп овулига 1993 йилда келин бўлиб тушдим. Шу ерда палак отдим. Турмушимдан нолимайман. Бироқ шу кунгача Ўзбекистон фуқаролигини ололганим йўқ. Бу ҳаётимда кўпгина муаммоларни бошимдан кечиришимга сабаб бўлди.
Шу йил 24 январь куни муҳтарам Президентимиз Шавкат Мирзиёевнинг Олий Мажлис Сенати ва Қонунчилик палатасига навбатдаги Мурожаатмонасини ойнаи жаҳон орқали эшитиб ўтириб, қувонганимдан кўзларимдан ёш чиқиб кетди. Мурожаатномада турмушимизнинг барча жабҳаларидаги юксалиш ва муаммоларни қамраб олинган, бартараф этиш йўл-йўриқлари, ўзгаришлар батафсил баён этилди. Айниқса, мен каби Ўзбекистонда, Ўзбекистон фуқароси бўлолмай юрганлар муаммосини ўртага ташлаб, 1995 йилгача Ўзбекистонга келган ва шундан буён истиқомат қилаётганларга автоматик тарзда фуқаролик берилишини айтганларида ўзимни қўярга жой тополмай қолдим. Худди қўлимга неча йиллардан бери армон билан идорама-идора сарсон-саргардон бўлиб ололмаганим – фуқаролик паспортини олгандай бўлдим. Шундай кун яқин эканлигига ишонаман. Илоҳим, халқимизнинг бахтига Юртбошимизнинг умри узоқ бўлсин!
Сафаргул ГАДОНИЁЗОВА, Тошёп овули.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
