Сайловларга қизғин тайёргарлик кўрилмоқда

Мамлакатимизда тобора яқинлашаётган тарихий, сиёсий ҳамда муҳим жараён Ўзбекистон Pеспубликаси Олий Мажлиси Қонунчилик палатаси, Қорақалпоғистон Pеспубликаси Жўқорғи Кенгеси, халқ депутатлари шаҳар ҳамда туман кенгашларига депутатлар сайловига қизғин тайёргарлик кўрилмоқда.

Партияларнинг депутатликка номзодлари жойларда тарғибот-ташвиқот тадбирлари, сайловчилар билан учрашувлар ташкил қилишмоқда. Номзодлар ҳамда партиялар мутасаддилари йиғилиш, мажлис, тадбирларда, қолаверса, ОАВ да чиқишлар қилиб сайловчиларни ушбу сиёсий жараёнда фаолликка чақиришмоқда.  

Шундай йиғилишлардан бири туманимизда 9 декабрь куни бўлиб ўтди. 9-сонли мусиқа ва санъат мактабида ташкил қилинган мажлисга Тадбиркорлар ва ишбилармонлар харакати - Ўзбекистон либерал демократик партияси Қорақалпоғистон Pеспубликаси Кенгаши раиси Сағиндиқ Турманов, Ўзбекистон Pеспубликаси Олий Мажлиси депутатлигига номзод Анвар Юлдашевнинг ишончли вакили Ўзбекистон Pеспубликаси Вазирлар Маҳкамаси ҳузуридаги Агросаноат мажмуи устидан назорат қилиш инспекциясининг Қорақалпоғистон Pеспубликаси бошқармаси бош инспектори Акбар Қозиевлар, партия номзодлари ҳамда сайловчилар иштирок этдилар.  

Мажлисни Ўзбекистон Либерал демократик партияси Қорақалпоғистон Pеспубликаси Кенгаши раиси очиб берди ҳамда бугунги сайлов тизимидаги муҳим янгиликлар, сайлов жараёнларига қизғин тайёргарликлар ҳақида сўзлади. 

Таъкидланганидек, сўнгги йилларда мамлакатимизда сайлов тизимида қатор янгиликлар амалга оширилди. Хусусан, бутун республика бўйича сайловчиларнинг ягона электрон рўйхати шакллантирилди. Илгари ҳар бир ҳудуднинг ўз локал рўйхати асосида иш кўрилар, натижада бир киши бир неча участкадан овоз бериши мумкин бўларди. Pўйхат ягона бўлгани боис энди бунинг имкони бўлмайди, ҳар бир сайловчининг овоз берган-бермагани ягона базада қайд этилади. Шунингдек, бутун оила номидан бир киши келиб овоз бериши ҳолларига ҳам йўл қўйилмайди. 

Сайлов участкалари ҳақида маълумотлар бир базада жамланади. Ҳар бир сайлов участкасининг жойлашган ўрни, манзили электрон тарзда бир базага жамланади. Бу участкага қайси фуқаролар қараши ҳам киритилади. Фуқаролар ўз паспорт маълумотларини териш орқали қайси участкага ва қайси манзилга бориши кераклиги ҳақида осонлик билан маълумот олиши мумкин.  

Шунингдек, Сағиндиқ Турмонов Ўзбекистон Pеспубликаси Олий Мажлиси Қонунчилик палатаси, Қорақалпоғистон Pеспубликаси Жўқорғи Кенгеси, халқ депутатлари вилоят, шаҳар ҳамда туман кенгашлари депутатлигига туманимиздан кўрасатилган номзодларни мажлис иштирокчиларига таништириб ўтди. 

Ўзбекистон Pеспубликаси Олий Мажлиси Қонунчилик палатаси депутатлигига номзод Анвар Юлдашевнинг ишончли валкили Акбар Қозиев мажлисни давом эттириб, номзоднинг таржимаи ҳоли, иш фаолияти ҳамда эришган ютуқлари ҳақида иштирокчиларга маълумотлар берди.  

Йиғилишда ЎзЛиДеПдан халқ депутатлари туман кенгашига кўрсатилган номзодлар фаол иштирок этиб, сайлов жараёнларига тайёргарлик юзасидан ўз фикр-мулоҳазаларини билдирдилар.  

Жумладан, 40-сонли умумтаълим мактаби маънавият ва маърифат ишлари бўйича директор ўринбосари, 2-Чордара округидан халқ депутатлари туман кенгаши депутатлигига номзоди кўрсатилган Муяссар Pаҳматуллаева сўзга чиқди.  

Таъкидланганидек, юртимизда аёл-қизларнинг жамиятдаги ўрни тобора ошиб бормоқда. Халқ депутатлари туман кенгаши депутатлигига 150 нафар номзоднинг 62 нафари, яъни 42 фоизи аёл-қизлардан иборат эканлиги фикримизнинг далилидир.  

Шунингдек, мажлисда 11-Ўртақалъа сайлов округидан номзод 16-мактабнинг ўқув ишалри бўйича директор ўринбосари Нодир Таджимов сўзга чиқиб, навбатдаги сайловларда ҳар бир сайловчининг овози муҳим эканлигини таъкидлаб,  сайловда фаол иштирок этишга чақирди. 

Чарос Арслонова, туман ҳокимлиги ахборот хизмати раҳбари.