Холимбег овули ва Аёқчи маҳалласи аҳолисига кўмир ва газ баллонлари етказиб берилди
Бугунги кунда халқ мурожаатини тинглаш, аҳоли муаммоларини жойида ҳал қилиш, уларнинг хотиржам ва фаровон яшашлари учун қулай шароит яратиш муҳим вазифага айланди. Президентимизнинг бу борадаги “Ҳудудларни комплекс ижтимоий-иқтисодий ривожлантириш бўйича секторлар фаолиятини янада такомиллаштиришга доир қўшимча чора-тадбирлар тўғрисида”ги Қарори талаблари ижросини таъминлаш юзасидан Қорақалпоғистон Республикаси прокурори ўринбосари Сирожиддин Файзиев ва туман прокурори Жавлон Муфтуллаевлар томонидан Холимбег овули ва Аёқчи маҳаллаларида сайёр қабуллар ўтказилган эди.
Мазкур сайёр қабулда шу ҳудудда яшовчи фуқароларнинг турли хил мазмундаги мурожаатлари тингланди. Аҳоли асосан кўмир маҳсулотлари ўз вақтида етказиб берилмаётганлиги, газ баллонлари етишмаётганлиги ҳамда электр таъминотини яхшилаш, трансформаторларни алмаштириш, туман марказига олиб борувчи, ички қатнов йўлларини таъмирлаш бўйича муаммолар мавжудлигини гапирди.
Сайёр қабул давомида келиб тушган мурожаатларга ечим топиш, мавжуд муаммоларни бартараф этиш ва аҳолига қулайлик яратиш мақсадида 2-сектор масъуллари томонидан тегишли чора-тадбирлар кўрилди. Шунингдек, ижроси назоратга олиниб, Холимбег овулига 8 тонна кўмир, 6 нафар фуқарога газ баллонлари ва Аёқчи маҳалласига ҳам 8 тонна кўмир етказиб берилиши таъминланди.
Холимбег овули ва Аёқчи маҳалласи аҳолиси муаммолар ҳал этилганидан ниҳоятда мамнун бўлдилар.
Хуршид Алланиязов,
2-сектор котиби 3-даражали юрист.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
