69-СОНЛИ МАКТАБДА СОБИҚ ЎҚУВЧИЛАРНИНГ УЧРАШУВ КЕЧАСИ ЎТКАЗИЛДИ
Жорий йилнинг 11 ноябрь куни 69-сонли умумтаълим мактабида мазкур мактабни 1999 йилда тугатган собиқ ўқувчиларнинг учрашув кечаси ўтказилди. Учрашув кечасида собиқ ўқувчилар ўз синфдошлари ва азиз муаллим-устозлари билан учрашиб, бундан 20 йил олдинги болалик ва ўсмирлик даврларини, ўқитувчиларнинг таълим-тарбия бериш йўлидаги фидойиликларини ҳамда жонкуярликларини эсладилар.
Собиқ ўқувчилар айни кунда мактабнинг 1-синфида таълим-тарбия олаётган 76 нафар ўқувчига расм дафтарлари, рангли қаламлар ва эртак китобларини ҳамда мактабга соат совға қилдилар.
Учрашув кечасида собиқ ўқувчилардан Мансур Ражабов, Сардор Бойманов,Санжар Раҳимов, Фарҳод Қутимов ва Қадам Турсуновлар сўзга чиқишиб, ёшлик пайтларида ўзларига таълим-тарбия беришда жон куйдирган ва катта ҳаётга учирма қилган устозларидан ҳамиша миннатдор эканликларини чин кўнгилларидан изҳор қилдилар.
Шундан кейин маънавий ва маърифий ишлар бўйича мактаб директори ўринбосари, собиқ ўқувчиларнинг синф раҳбари Бахтиёр Худалашов, собиқ ўқувчиларнинг бошланғич синф ўқитувчиси Жумагул Болтаева, ўқув ишлари бўйича мактаб директори ўринбосари Ўктам Матниёзов ва фахрий ўқитувчилар Гулжон Саъдуллаева ҳамда Дилором Ражабовалар сўзга чиқдилар.
Учрашув кечасида сўзга чиққан устозлар собиқ ўқувчиларининг мустақил юртимиз фаровонлигини яратиш борасидаги ҳаракатларда фаол иштирок этаётганларидан ниҳоятда мамнун эканликлари билдирдилар.
69-сонли мактабда ўтказилган ушбу учрашув кечаси барча иштирокчиларда катта таассурот қолдирди.
А.ЖУМАНИЁЗОВ.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
