Соғлом бола йили янгиликлари
Ёш истеъмолчилар кўрик-танлови
Шу йилнинг 14 февраль куни НДПИ қошидаги 3-сонли Амударё академик лицейида "Энг иқтидорли ёш истеъмолчи - 2014” VI Республика кўрик-танловининг биринчи босқичи ўтказилди.
3-сонли Амударё академик лицейи ўқувчилари ўртасида ўтказилган ушбу кўрик-танловда 106 гуруҳ ўқувчиси Юлдуз Турсунбоева 1-ўринни, 204 гуруҳ ўқувчиси Шоира Бозорбоева 2-ўринни ва 204 гуруҳ ўқувчиси Соҳиба Ўрозбоева 3-ўринни эгаллашга муваффақ бўлдилар.
"Энг иқтидорли ёш истеъмолчи - 2014” VI Республика кўрик-танловининг биринчи босқичи ғолиби Юлдуз Турсунбоевага ушбу кўрик-танловнинг туман миқёсида ўтказиладиган иккинчи босқичига йўлланма берилди.
Шоиранинг янги китоби
"С6йемен ақ булттай п1клик жолын”. Бу туманимиздан етишиб чиққан ёш шоира Зулфия Оллоёрованинг бадиий ижоддаги яна бир дадил қадами. Шоира бунгача "Уфққа қоқилган ишқ”, "Кўнгилнинг чор нағмаси”, "Дунёлиқда дунё ранглари” шеърий китобларини нашр эттириб, ўз мухлисларига тақдим этишга улгурган. "Қорақалпоғистон” нашриётида, қорақалпоқ тилида чоп этилган шоиранинг тўртинчи китобида нозик кўнгил кечинмалари билан бирга она Ватанга муҳаббат ва инсоний фазилатлар тараннум этилади.
Чорва қишлови беталофат ўтмоқда
Бугунги кунда туманимизда 30 дан ортиқ хўжалик субъектлари чорвачилик билан шуғулланмоқда. Чорвачиликда қорамоллар зотдорлигини таъминлаш, наслли қорамоллар сонини кўпайтириш мақсадида аҳоли пунктларида асбоб-ускуналар билан таъминланган 11 та зооветеринария пункти, 3 та сунъий қочириш нуқтаси ташкил қилиниб, аҳоли ва фермер хўжаликларига арзон нархларда хизмат кўрсатиш тизими яратилган.
Чорва қишлови олдидан ҳайвонларни ветеринария кўригидан ўтказиш, касал молларни ўз вақтида ажратиш ва даволаш, тўпланиб қолган гўнгни чиқариш ва зарарсизлантириш, молхоналарни дезинфекция қилиш, молларни зоогигиеник талаблар асосида парвариш қилиш ва фермаларда дағал хашак, тўйимли омихта ем, витаминга бой беда ва ҳўл ўт каби озуқа базасини яратишга катта эътибор берилгани натижасида хўжаликларда чорва қишлови мавсуми беталофат ўтказилмоқда.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
