КУЗ-ҚИШ МАВСУМИ ЯҚИН, ТАЙЁРГАРЛИКЛАР ҚАНДАЙ?
Мана куз фаслининг илк ойи ҳам орқада қолди. Ҳадемай, кунлар совиб, уйларда, кўп қаватли уй-жойларда ва барча корхона, ташкилотлар, ижтимоий соҳа объектларида иситиш мавсуми бошланади. Бу мавсумни кўнгилсиз воқеалар - яъни ёнғинларсиз, талофатларсиз ўтказиш, албатта, қандай тайёргарлик кўрилганига боғлиқдир.
Шу боисдан ҳам туман Ёнғин хавфсизлиги бўлими ходимлари томонидан туманимиздаги 49 та 2 қаватли турар жойларда фуқаролар билан ёнғинларнинг олдини олиш юзасидан суҳбатлар ўтказилиб, қозонхона ва ошхоналарда ўрнатилган газ плиталарнинг ёнғин хавфсизлик қоидаларига жавоб бериш ҳолати кўздан кечирилди, аниқланган камчиликлар бўйича хонадонлар эгаларига тушунтириш ишлари олиб борилиб, эслатмалар тарқатилди.
Умум таълим мактаблари ва мактабгача таълим муассасаларида муассаса раҳбарлари билан биргаликда бинода ўрнатилган қиздириш қозонхона ва печларнинг хавфсизлиги холати кўздан кечирилиб, аниқланган камчиликлар қисқа вақт ичида бартараф этилишига эришилди.
Ёнғинлар асосан фуқароларнинг турар жойлари, ошхона ва молхоналарида содир бўлмоқда. Буларга асосан уй эгаларининг ёнғин хавфсизлиги қоидаларига эътибосизлиги сабаб бўлмоқда.
Ёнғинлар эса давлатимиз, фуқароларимиз мол-мулкига зиён етказибгина қолмай, инсонлар ҳаётига ҳам хавф солиши мумкин. Демак, ёнғин хавфсизлиги қоидаларини билиш, амал қилиш барчага лозим бўлган вазифадир.
М. Юсупов,
туман ЁХБ инспектори,
катта сержант
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
