ИПАК КЎНГИЛ ОҲАНГЛАРИ
Бадиий ижод дилдаги ҳислар ва ички кечинмаларни гўзал ташбеҳлар, чиройли қиёслашлар орқали ифодалаш имконини беради. Ижод оламига кирган инсон фикрларидан маънолар чаманини яратади
ва ўзи билан бирга ўзгаларни
ҳам завқлантиради.
Гулнора Юсупованинг иккинчи тўплами – “Сатрларга тўкилган кўнгил”ни ўқиб, меҳрибон, тийрак мураббий ҳамда ҳар нафас мададга тайёр дўстнинг ижодкорга ва унинг туйғуларига муносиб баҳо берганларига амин бўласиз. Бундаги кичик-кичик бадиалар ва қатралар улкан ҳаёт сабоқларининг гоҳ аччиқ, гоҳ ширин синтезлари эканини англайсиз. Беихтиёр “оламда янчилган юраклар бунча кўп-а”, дейсиз. Фарзанди бахти-тахтига суяниб, ширинзабон эртакчи неварасига бутун дунёсини бериб келаётган она-буви аёлнинг Ватанга, ҳаётга, Яратганга бўлган ишқига – “Дилдаги ғазали”га таҳсин дейсиз...
Лолақизғалдоқ ҳақида Муҳаммад Юсуфдан кейин ҳеч ким ҳеч нарса айтолмас деб юргандим. Гулнора айтибди... ўзига хос оҳангда айтибди.
Қатралардаги уч нуқталар Сиз, биз – Китобхон айтиши учун қолдирилган сўз ўрнидай гўё.
Шоиранинг кўнгил иплари ипакдан экан. Ипак торли дуторнинг нолаларидай гоҳи дилхуш, гоҳи дилхун (Э.Воҳидов). Лекин ҳеч қачон узилмас ипак торлар. Халқимиз: “Ноннинг ушоғи ҳам нон” деганларидай, ушбу мўъжаз китобча ҳам ардоқларга лойиқ дилнинг камтарингина изҳори бўлибди. Муборак бўлавергай!
Т.АБДУЛЛАЕВ.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
