Жамият 29.07.2019 👁 531

ЎзМТДП туман Кенгашининг навбатдаги ХII Пленуми ўтказилди

Туман ҳокимлигининг кичик мажлислар залида Ўзбекистон “Миллий тикланиш” демократик партияси Амударё туман Кенгашининг навбатдаги ХII Пленуми бўлиб ўтди.

26 июль куни ўтказилган Пленумда Ўзбекистон “Миллий тикланиш” демократик партияси туман Кенгаши ходимлари, Қорақалпоғистон Республикаси Жўқорғи Кенгеси депутати М.Аҳмедова, ЎзМТДП Қорақалпоғистон Кенгаши Ижроия Қўмитасининг Хотин-қизлар билан ишлаш бўйича етакчи мутахассиси Айгул Oтениязова, халқ депутатлари туман Кенгаши депутатлари, бошланғич партия ташкилотлари етакчилари, партия фаоллари ҳамда ОАВ вакиллари иштирок этдилар.

Пленумни Қорақалпоғистон Республикаси Жоқарғи Кенгеси депутати Марям Аҳмедова очди ва олиб борди.
Кун тартибида партиянинг туман Кенгаши ва депутатлик гуруҳининг ўтган 6 ой давомидаги фаолияти якунлари ҳамда иккинчи ярим йилликда бажарилиши лозим бўлган устувор вазифалар асосий масала қилиб белгилаб олинди. Бу бўйича сўзга чиққанлар партия сайловолди Платформасида белгиланган вазифалар ижроси, партия дастурий мақсад ва вазифаларини рўёбга чиқариш, электорат манфаатларини ҳимоя қилиш борасида муҳим қарорлар қабул қилиш кабилар тўғрисида сўз юритдилар. Шунингдек, партия тизимида фуқаролар, сайловчилар ва электорат билан очиқ мулоқотни йўлга қўйишнинг янги самарали усул ва механизмларини татбиқ қилиниши кераклиги, ана шу муҳим ишда партия гуруҳлари аъзоларининг фаол иштироки таъминланиши лозимлиги таъкидланди.

Ҳисобот маърузасида уюшмаган ёшларнинг бандлигини таъминлаш, уларни касб-ҳунарга йўналтириш, “Устоз-шогирд” анъаналарини ривожлантириш мақсадида маҳаллаларда истиқомат қилаётган уюшмаган ёшлар, кам таъминланган оилалар фарзандлари, ногиронлиги бўлган, вақтинча ишсиз хотин-қизлар учун қўшимча бепул касб-ҳунарга ўргатиш бўйича “Хизмат - беминнат” лойиҳаси доирасида ўтган 6 ой давомида туман бўйича 10 та бепул ўқув курслари ташкил қилингани, ўқув курсларида 60 нафарга яқин уюшмаган ёшлар ва хотин-қизларга қўшимча бепул касб-ҳунар ўргатилгани, “Уйма-уй” лойиҳаси доирасида ўтган даврда жами 35 дан зиёд хонадонларга ташриф буюрилгани, учрашувлар натижасида 10 нафарга яқин ёшлар ва хотин-қизлар ишга жойлаштирилгани, шунингдек, бир қанча ёшлар ва хотин-қизларга имтиёзли кредит олинишига амалий ёрдам кўрсатилганига кенг тўхталиб ўтилди.

Ўтган давр мобайнида фуқаролар томонидан партия туман Кенгашига жами 35 мурожаат келиб тушганлиги, асосан соғлиқни сақлаш, бандлик, банк кредитлари, коммунал тўловлар ва бошқа соҳалар бўйича келиб тушган мурожаатлардан 28 таси ижобий ҳал қилингани, 6 таси бўйича ҳуқуқий маслаҳат берилгани, 1 таси эса ўрганиб чиқиш учун тегишли ташкилотларга юборилганлиги ҳақида ҳисобот берилди.

Электорат манфаатларини ҳимоя қилиш мақсадида Жўқорғи Кенгес ва халқ депутатлари туман Кенгашига ЎзМТДПдан сайланган депутатлар 13 та депутатлик сўрови амалга оширилган, партия депутатлик гуруҳи томонидан 4 нафар мансабдор шахсларнинг ҳисоботлари тинглангани, туман Кенгаши сессияларига 2 та масала киритилгани айтиб ўтилди.

Пленумда бу кўрсаткичлар ЎзМТДП гуруҳларининг давлат ва жамият ҳаётига оид масалаларни ҳал қилишида етарли эмаслиги, депутатлар ўз ваколатларидан самарали фойдаланган ҳолда ташаббускорликни янада оширишлари лозимлиги ҳақида сўз юритилди.

Пленум сўнггида партия сафига янгидан аъзолар қабул қилинди. Ўтган 6 ой давомида депутатлик фаолиятида яхши натижаларга эришганлиги учун Халқ депутатлари туман Кенгаши депутатлари Гулмирза Бобожонов, Римбой Ўрозбоевларга партиянинг Қорақалпоғистон Кенгаши томонидан тайёрланган фахрий ёрлиқлар топширилди.

Кун тартибидаги масалалар тўлиқ кўриб чиқилди ва тегишли қарорлар қабул қилинди.