ЧОЙКЎЛ ОФЙГА ЯНГИ ОҚСОҚОЛ САЙЛАНДИ
Мамлакатимизда маҳалла институти фаолиятини янада жонлантириш, фуқароларнинг демократик жараёнлардаги иштирокини таъминлаш ҳамда фаоллигини ошириш борасида давлатимиз томонидан олиб борилаётган изчил сиёсат айни кунларда жойларда ўтказилаётган фуқаролар йиғинлари раис (оқсоқол)лари сайловида яққол намоён бўлмоқда.
8 май куни Чойкўл маданият ва аҳоли дам олиш маркази биносида бўлиб ўтган Чойкўл овул фуқаролар йиғини раиси (оқсоқоли) сайлови ҳам ошкоралик ва шаффофлик асосида ўтказилди. Мазкур сайловда 435 нафар сайловчилар вакилларининг 80 фоизи иштирок этишди.
Фуқаролар йиғини раиси (оқсоқоли) сайловини ўтказиш учун масъул ишчи гуруҳ томонидан ўтказилган йиғилишда ҳудуддаги идора ва ташкилотлар, корхоналар ҳамда тадбиркорлик субъектлари раҳбарлари ҳамда сайловчилар вакиллари қатнашдилар.
Йиғилишда ишчи гуруҳ томонидан сайловни ўтказиш тартиби белгилаб олинди ва йиғилиш котиби, раёсат аъзолари, саноқ комиссияси раиси ва аъзолари сайланди.
Шундан сўнг, Чойкўл овул фуқаролар йиғини раиси (оқсоқоли) лавозимига қўйилган номзодлар Яхшимурод Аҳмедов ҳамда Янгибой Худойбергановлар ҳақида батафсил маълумот берилди ва номзодларнинг маърузалари тингланди.
Ўзбекистон Республикаси “Фуқаролар йиғини раиси (оқсоқоли) сайлови тўғрисида”ги Қонун матни сайловчиларга ўқиб берилиб, овоз бериш тартиби тушунтирилди. Мазкур Қонуннинг 20-моддасида билгиланган меъёрларга асосланиб, Чойкўл овул фуқаролар йиғини раиси (оқсоқоли) сайлови яширин овоз бериш орқали амалга оширилди ва энг кўп сайловчилар овозига эга бўлган номзод Яхшимурод Аҳмедов Чойкўл овул фуқаролар йиғини оқсоқоли этиб сайланди.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
