Ёшлар иттифоқи туман Кенгаши томонидан бешта ташаббус ижросини таъминлаш бўйича тадбир ўтказилди
Президентимиз Ш.М.Мирзиёев томонидан белгилаб берилган ёшларнинг маданият, санъат, спорт, ахборот технологиялари ва китоб ўқишга бўлган қизиқишини ҳар томонлама қўллаб-қувватлаш, хотин-қизлар бандлигини таъминлашга қаратилган бешта ташаббуснинг ижросини таъминлаш бўйича тегишли чора-тадбирлар амалга оширилмоқда.
27 апрель куни Ёшлар иттифоқи Амударё туман Кенгаши томонидан мазкур бешта ташаббуснинг ижросини таъминлаш ҳамда ёшларни жисмоний чиниқтириш, спорт соҳасидаги қобилиятини намоён қилиш учун зарур шароитлар яратиш мақсадида футбол мусобақаси ташкиллаштирилди. Қиличбой овули ҳудудидаги мини футбол майдончасида ўтказилган ушбу мусобақада Қиличбой ҳамда Дўрман овулларидаги маҳаллалардан 13 та жамоа иштирок этди. Мусобақа якунида “Интер Холимбег” жамоаси 1-ўрин, “Қиличбой сити” жамоаси 2-ўрин, “Хизр эли” жамоаси эса 3-ўрин ғолиби деб топилди.
Шу куни ташкилот томонидан Президентимизнинг бешта муҳим ташаббусларидан бири бўлган хотин-қизлар бандлигини таъминлашга доир тадбир ҳам ўтказилди. Тадбир давомида Ёшлар маркази туман бўлимида ташкил қилинган турли тўгараклар ҳақида ёшларга кенг маълумот берилди ва шу ердаги тикувчилик тўгарагида ҳунар ўрганган 5 нафар қиз “Тамара-Феруза” хусусий корхонасига ишга жойлаштирилди.
О.Худойберганова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
