НУРОНИЙЛАР БИЛАН ДАВРА СУҲБАТИ ЎТКАЗИЛДИ
Глобаллашув жараёни кечаётган бугунги кунда ёшларнинг маънавиятли ва етук инсонлар бўлиб вояга етишишида китобларнинг аҳамияти катта.Телевизор кўриш ё интернет тармоғидаги янгиликларни, бадиий асарларни ўқиш миллатимиз руҳига мос, ҳақиқий маънавий озиқ берадиган бадиий асарларни ўқиганчалик таассуротлар бера олмайди. Буни ҳаётий мисоллар билан оғишмай тушунтира бориш, шунингдек нуроний кексаларимиз ўзлари ўқиган китобларини ёшларга тавсия қилиши китобхонлик даражаси ошишига ижобий таъсир ўтказиши инобатга олиниб,”Нуроний” жамғармаси туман бўлими “Тараққиёт кўзгуси” газетаси таҳририяти билан ҳамкорликда амалга ошираётган “Жаҳолатга қарши маърифат билан курашамиз” номли грант лойиҳасида китоблар мутолаасига алоҳида аҳамият берилган. Шунингдек, нуронийлар билан ёшларнинг учрашувларини ўтказиб,уларнинг ҳаёт йўлларини ёшларга ибрат қилиб кўрсатиш ҳам муҳим тарбия воситаси эканлиги назарда тутилган.
Грант лойиҳаси режасига мувофиқ, шу йилнинг 23 февралида туманимиздаги 32 сонли умумтаълим мактабида ўқувчилар билан нуронийларнинг давра суҳбати ўтказилди.Тадбирда ҳудудда истиқомат қилувчи кекса авлод вакиллари , таълим фахрийлариЖумобой Қалиев, Ўтамурод Дурдиев, Ҳайитбой Дурдиев, Жумобика Асауова, Сафаргул Егизбоевалар иштирок этдилар ва ўқувчилар билан мароқли суҳбат қурдилар.
-Мен таълим берган ўқувчилар аллақачон мактабни тугатиб кетишди. Бироқ кўнглим доим мактабда. Невараларимдан ҳар куни мактабда қандай янгиликлар борлигини сўраб ўтираман,ўқувчиларнинг ютуқларини эшитсам жуда қувонаман.30 йилдан ортиқ вақт болаларга инглиз тили фанидан дарс берган бўлсам шу давр мобайнида ўқитган ўқувчиларим орасидан 27 нафар инглиз тили ўқитувчиси етишиб чиқди. Шулар ҳақида ўйласам кўнглим кўтарилиб кетади,- деди сўзга чиққан Жумобика Асауова.
Фахрийлар билан ўтказилган давра суҳбатдан ўқувчилар улкан таассуротлар олдилар, ўзларини қизиқтирган саволларга жавоблар олдилар.
Ойгул РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
