Фуқароларнинг меҳнат ҳуқуқлари тарғиботига бағишланган мажлис ўтказилди
20 февраль куни Манғит шаҳридаги 9-сонли Болалар мусиқа ва санъат мактабида Қорақалпоғистон Pеспубликаси Бандлик ва меҳнат муносабатлари вазирлиги ҳамда Қорақалпоғистон Pеспубликаси Касаба уюшма ташкилотлари бирлашмаси томонидан тадбир ўтказилди.
Ўзбекистон Pеспубикаси Олий Мажлиси қонунчилик палатаси Меҳнат ва ижтимоий масалалар қўмитасининг 2018 йил 26 декабрдаги “Меҳнатни муҳофаза қилиш тўғрисида”ги Ўзбекистон Pеспубликаси Қонунининг ижро этилиш ҳолатини Қашқадарё ва Бухоро вилоятларида назорат-таҳлил тартибида ўрганиш якунлари ҳақида”ги қарорида кўрсатилган хато ва камчиликларни бартараф этиш ҳамда “Меҳнатни муҳофаза қилиш тўғрисида”ги Ўзбекистон Pеспубликаси Қонунида назарда тутилган қоидаларни тарғиб этишга бағишланган мазкур давра суҳбатини туман Бандликка кўмаклашиш маркази диретори Алишер Собиров очди ва олиб борди.
Тадбирда дастлаб Қорақалпоғистон Pеспубликаси Бандлик ва Меҳнат вазирлигининг Давлат меҳнат техник инспектори Азамат Нуримбетов “Меҳнатни муҳофаза қилиш тўғрисида”ги Қонунда назарда тутилган қоидалар ҳақидаги маърузаси тингланди.
Маърузачи ўз сўзида Қонуннинг меҳнатни муҳофаза қилиш соҳасидаги давлат сиёсатининг асосий йўналишлари белгилаб берилган 5-моддага алоҳида тўхталди. Ҳар бир модда меҳнат жараёнида ходимнинг ҳаёти ва соғлиги устуворлигини таъминлаш, ишлаб чиқаришдаги бахтсиз ҳодисалардан жабрланган ёки касб касаллигига чалинганларни ижтимоий ҳимоя қилиш борасида иш берувчи ташкилотларнинг зиммасига қатор вазифалар юкланганини, юртимизда ҳар бир фуқаро учун муносиб меҳнат шароитлари яратилаётганини таъкидлади.
Ўзбекистон Pеспубликаси Касаба уюшмалари Федерациясининг Қорақалпоғистон Касаба уюшмалар ташкилотлари бирлашмаси меҳнатни муҳофаза қилиш бўлими ходими Бекпўлат Ўтепбергенов ходимларнинг меҳнатни муҳофаза қилиш масалалари бўйича техник жиҳатдан тартибга солиш соҳасидаги норматив ҳуқуқий ҳужжатлар талабларига риоя этилиши – уни меҳнат жараёнидаги ҳар хил бахтсиз ҳодислардан ҳимоя қилишини алоҳида таъкидлаб ўтди.
Маърузалар юзасидан қизғин музокаралар бўлди. Давра суҳбатида иштирокчилар ўзларини қизиқтирган саволларга жавоблар олдилар.
Ўтказилган тадбир меҳнатни муҳофаза қилиш борасида хато-камчиликларга йўл қўйилишининг олдини олишда иш берувчиларнинг ҳам, ишчиларнинг ҳам манфаатларини ҳимоя қилишда муҳим аҳамият касб этади.
О.Pажабова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
