Ёшлар орасида гиёҳванд воситаларнинг тарқатилишига қарши кураш ойлиги доирасида тадбирлар ўтказилмоқда
Гиёҳвандлик иллати дунё бўйича глобал муаммога айланиб, инсониятга таҳдид солмоқда. Бу иллат ҳар қандай одамнинг ҳаётини издан чиқариб, жиноятлар содир этилишига, оилалар ва миллат генофондининг бузилишига сабаб бўлмоқда.
Мамлакатимизда гиёҳвандликнинг илдиз отишига йўл қўймаслик учун турли чора-тадбирлар амалга оширилмоқда. Ҳуқуқни муҳофаза қилувчи, давлат органлари ва жамоат ташкилотлари ҳамкорлигида бу офатга қарши изчил кураш олиб борилмоқда.
Ўзбекистон Республикаси Ички ишлар вазирлиги томонидан ҳар йили ёшлар ўртасида гиёҳванд воситаларнинг тарқатилишига қарши кураш ойлиги ўтказиб келинади. Жорий йилда ҳам 1 февралдан 1 мартгача Ўзбекистонда "Ёшлар орасида гиёҳванд воситаларнинг тарқатилишига қарши кураш ойлиги" деб эълон қилинди.
Ойлик доирасида мазкур иллатдан огоҳ бўлиш, соғлом турмуш тарзини тарғиб этиш бўйича турли тадбирлар, учрашув ва семинарлар ўтказилиб, гиёҳвандликнинг қандай аянчли оқибатларга олиб келиши кенг тушунтирилмоқда.
Дўрман овулидаги “Қорамон” маҳалласида 53-сонли мактабда ҳам гиёҳвандликнинг оғир оқибатлари ҳақида кенг тушунча бериш мақсадида ойлик доирасидаги тадбир ўтказилди. Тадбирда иштирок этган овул ва маҳалла фуқаролар йиғинлари масъуллари, ҳудуд бўйича туман ИИБ профилактика инспектори гиёҳвандликка қарши курашиш бўйича амалга оширилаётган чора-тадбирлар ҳамда мамлакатимизда гиёҳванд моддалар савдоси билан шуғулланувчи трансмиллий гуруҳларни аниқлаш, уларнинг ноқонуний фаолиятига чек қўйиш, тарқалиш йўлларини тўсиш, гиёҳванд ўсимликлар экилиши ва наркомания ёйилишининг олдини олишга алоҳида эътибор қаратилаётганини ҳаётий мисоллар ёрдамида гапириб ўтдилар.
Тадбирда барча иштирокчилар гиёҳвандликнинг аянчли оқибатлари ҳақида маълумотларга эга бўлдилар.
О.Худойберганова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
