КЕЧИРИМЛИЛИК ИНСОНИЙ ФАЗИЛАТДИР
Кечира оладиган инсон энг кучли инсондир, деган доноларимиз гапини эшитганмисиз? Ҳақиқатан шундай. Менимча, биринчи бўлиб кечирим сўраган инсон ҳам кучли. Ўша инсонда инсонийлик хислати устун. Ахир хатони тан олишнинг ўзи ҳам бир жасорат. Баъзида эса бунинг учун ожизлик қиламиз. Яқинларимизнинг кичкина хатосидан ҳам ранжиб, кечиришни истамаймиз. Ўзимизнинг хатоларимиз эса кўзимизга кўринмай, кечирим сўрашни хаёлимизга ҳам келтирмаймиз. Бу билан катта хатога йўл қўйганимизни билмаймиз. Натижада кимимизнидир йўқотамиз.
“Мени кечирасизми” ёки “кечиринг” жумласининг тилингиздан янграши қайсидир ришталарни мустаҳкамлаб, сизни йўқотишлардан асрайди. Кимдандир узр сўраш ҳамма айбни бўйнингизга олиш ёки ўзингизни ерга уриш дегани эмас. Аксинча кечирим сўраш, кечиримли бўлиш энг олий инсоний фазилатдир.
Кимдир кўнглингизни оғритса, ҳукм чиқаришга шошилманг. Ахир атрофингиздаги ҳар бир инсоннинг ҳаётингизда ўз ўрни бор. Атрофимиздагилар – ҳаётимизнинг бир бўлаги. Улар ҳам қайсидир бўшлиқни тўлдириб туради.
Арзимаган баҳоналар сабаб кимнингдир кўнглига озор бермаслигимиз, гиналарни унутишга ҳаракат қилишимиз, ришталарни узишга эмас, мустаҳкамлашга ҳаракат қилишимиз керак.
Шунда яқинларимиз сафи кенгаяди. Атрофимиздаги дўстларимизга меҳр улашайлик, кўнглини зиёрат этайлик. Кечиримли бўлайлик!
Манзура САФАРБОЕВА, 33-мактаб психологи.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
