“Фарзандимга китоб олиб бераман”

14 январь куни 40-сонли умумтаълим мактабида “Фарзандимга китоб олиб бераман” деб номланган акция бўлиб ўтди.

Мактаб маъмурияти, ота-оналар, мактаб кутубхоначилари ҳамкорлигида ўтказилган тадбирда шу мактабда таълим олаётган ўқувчилар иштирок этди.

Китобга, мутолаага юксак эътибор самараси ўлароқ, бугун китобхон ёшлар сафи кенгайиб бормоқда.

- Мактаб – ўқувчиларнинг иккинчи уйи. Китоб ўқиш кўникмаси кўпроқ ана шу даргоҳда шаклланади, - дейди акция иштирокчиси, 7 а синф ўқувчиси Мадраҳимова Севинчнинг онаси. Шунингдек акция доирасида қизиқарли викторина ўйинлари, турли савол-жавоблар ҳам ўтказилди. Ғолибликни қўлга киритган ўқувчилар қизиқарли бадиий китоблар билан тақдирланди.

Pаъно Нурметова,

40-сонли мактаб ўқитувчиси.