“Хизмат – беминнат” лойиҳаси ёшларни бепул олий ўқув юртларига тайёрлайди
Мамлакатимизда ёшлар истиқболи, келажаги йўлида муайян ишлар амалга оширилмоқда. Хусусан, “Ёшларга оид давлат сиёсати тўғрисида”ги Ўзбекистон Республикаси Қонуни қабул қилингани бу борадаги ишлар кўлами самарадорлигини янада оширди.
Ўзбекистон Миллий тикланиш демократик партияси ташаббуси билан амалга оширилаётган қатор лойиҳалар бугун жуда кўплаб ёшларни ўз атрофига жамлаб, иқтидор ва қобилиятларини намоён этишларида, касб-ҳунар эгаллашларида муҳим аҳамият касб этмоқда. Жумладан, партия томонидан ёшларнинг бўш вақтларини мазмунли ўтказишлари, кам таъминланган оилалар фарзандларини турли хил фан ва касб-ҳунар тўгаракларига жалб қилиш мақсадида ташкил этилган “Хизмат – беминнат” лойиҳаси амалда ўз самарасини бермоқда.Партиянинг “Хизмат - беминнат” лойиҳаси ЎзМТДП дастурий вазифалари ҳамда Ўзбекистон Республикасини янада ривожлантириш бўйича Ҳаракатлар стратегиясида ёшларга оид белгиланган вазифаларни амалга ошириш, шунингдек, “Ижтимоий шериклик тўғрисида”ги ва “Ёшларга оид давлат сиёсати тўғрисида”ги Қонунлар ижросини таъминлаш мақсадида амалга оширилмоқда.
Ушбу лойиҳа доирасидаЎзМТДП Амударё туман Кенгаши томонидан жорий йилнинг шу даврига қадар 6 та бепул ўқув курслари ташкил этилди. Мазкур ўқув курсларида 70 дан зиёд ёшлар бепул таълим олиб келмоқда, шундан 23 нафар уюшмаган, 23 нафар фанлардан ўзлаштириши паст ва 27 нафар кам таъминланган оилалар фарзандларидир. Ўқув курсларига 6 нафар кўнгилли ўқитувчилар раҳбарлик қилишмоқда.
“Хизмат - беминнат” лойиҳаси доирасидаги навбатдаги тадбир Амударё қишлоқ хўжалик касб-ҳунар коллежида ўтказилди. Унда Ўзбекистон Республикаси касб-ҳунар таълими аълочиси, Ўзбекистон Республикаси Мустақиллигининг 25 йиллиги кўкрак нишони соҳиби, коллеж ўқитувчиси Азимбой Сафарбаев томонидан 7 нафар кам таъминланган оила фарзандларининг 11 ой давомида бепул таълим олиши йўлга қўйилди.
Лойиҳани ташкил этишдан мақсад маҳаллаларда уюшмаган ёшларнинг ижтимоий жихатдан шаклланиши, интеллектуал, ижодий, жисмоний, аҳлоқий ва бошқа йўналишдаги салоҳиятлари камол топишига кўмаклашиш ва шарт-шароитлар яратиш, улар онгида соғлом турмуш тарзига интилишни шакллантириш, бўш вақтларини мазмунли ташкил этиш, уларни аҳлоқий негизларни бузишга олиб келадиган хатти-ҳаракатлар ва ғоялардан ҳимоя қилишга муносиб хисса қўшишдир.
“Хизмат - беминнат” лойиҳаси доирасида ўтказилган тадбир сўнгида мазкур лойиҳа тумандаги уюшмаган ёшларнинг интелектуал, ижодий, жисмоний салоҳиятини камол топтиришга кўмаклашиш, бўш вақтларини мазмунли ташкил этишга қаратилганлиги билан аҳамиятли эканлиги таъкидлаб ўтилди.
Ш.ЯНГИБОЕВА, ЎзМТДП туман Кенгаши раиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
