ЎҚУВЧИЛАРИМИЗ ЯНГИ ЎҚУВ ЙИЛИНИ ШИНАМ ХОНАЛАРДА БОШЛАЙДИ
Жорий йилда бизнинг 42-сонли мактабимизда Инвестиция дастури асосида капитал таъмирлаш ишлари олиб борилди. Туманимиздаги “Жумуртау тех таъмир” МЧЖ томонидан 1 млрд. 480 млн. 986 минг сўм маблағ эвазига таъмирланган мактаб биноси мутлақо замонавий қиёфага келтирилди.
1987 йилда қурилган мактаб биноси 500 нафардан зиёд ўқувчига мўлжалланган бўлиб, 2008 йилда жорий таъмирдан чиқарилган эди. Бу йилги капитал таъмирлашда бино томи янгидан шифер қилинди. Дераза ва эшиклар тўлиқ алмаштирилди. Электр, иситиш тизимлари янгиланди. Ўқувчилар учун спорт зали, ошхона, ювиниш хоналари замонавий ва қулай ҳолатга келтирилди. Синф хоналари жиҳозланиб, баннерлар билан безатилди.
Мазкур йилдаги биринчи синфга қабул қилинган 54 нафар ўғил-қизларга анъанавий Президент совғалари – янги ўқув қуроллари, дарсликлар ва мактаб сумкалари ҳам келтирилди.
Давлатимиз томонидан ўқитувчиларнинг мавқеини ошириш бўйича қатор чора-тадбирлар амалга оширилмоқда. Ўқитувчиларнинг иш ҳақлари оширилиб, уларга ҳар томонлама имтиёзлар яратилмоқда. Бу эса биз ўқитувчи-педагогларни ниҳоятда руҳлантирди ва ўз навбатида ёш авлодни комил инсонлар қилиб тарбиялаш борасида зиммамиздаги масъулиятни янада оширди. Биз, албатта, бу вазифамизни шараф билан адо этамиз.
Қуролбой МАМУТОВ, 42-сонли мактаб директори.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
