«ФАРОВОН» МАҲАЛЛАСИДА ОБОДОНЛАШТИРИШ ВА ТОЗАЛАШ ИШЛАРИ ҲАМЖИҲАТЛИКДА ОЛИБ БОРИЛМОҚДА
Мамлакатимизда август ойи ободонлаштириш ва тозалик ойлиги деб эълон қилинганлиги сабабли, барча ҳудудларда ободонлаштириш ишлари ўтказилмоқда. Айниқса, 18-19 август кунларида бўлиб ўтган умумхалқ хайрия ҳашарида барча юртдошларимиз ҳамжиҳатлик билан иштирок этдилар.
Туманимиздаги Фаровон аҳолиси ҳам мустақиллигимизнинг 27 йиллик байрамини муносиб кутиб олиш мақсадида ўз уйи, маҳалласини тозалаб, ободонлаштириш ишларида уюшқоқлик билан иштирок этмоқда ва юртимиз обод бўлишига ҳисса қўшмоқда. Маҳалладаги 644 хонадонда 2240 аҳоли истқомат қилади. Шунингдек, унинг ҳудудида мудофаага кўмаклашувчи “Ватанпарвар” ташкилоти, “Амударёқурилиш” МЧЖ, туман “Кимё” корхонаси бинолари ҳамда маиший хизмат кўрсатиш ва савдо шохобчалари жойлашган. Аксарияти ёш оилалар ва ёшлардан иборат бўлган маҳалла аҳлининг 1200 нафари, айниқса, умумхалқ хайрия ҳашарида фаоллик кўрсатади. Ойлик давомида ва ҳашар кунларида маҳалла ҳудудидаги ташкилотлар бинолари, яшаш жойлари, маҳалла биноси таъмирланиб, ободонлаштирилди. Аҳоли томорқасига сув етказадиган ариқ ва зовурлар тозаланди.
Қурбон ҳайити арафасида маҳаллада яшовчи ногиронлиги бўлган фуқаро Мухтор Камоловнинг хонадонига борилиб, озиқ-овқат маҳсулотлари берилди ва ҳовли атрофини тозалаб, ободонлаштирилишига кўмаклашилди.
Маҳаллада амалга оширилаётган миллий қадриятларимизга хос бўлган меҳр-мурувват, ҳамжиҳатлик каби фазилатларни юксалтирувчи бундай эзгу амаллар мустақиллик байрами арафасида барчада юртимиздаги бунёдкорлик ишларида дахлдорлик ҳиссини уйғотмоқда.
Саломат Машарипова,
туман Хотин-қизлар қўмитаси мутахассиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
