Пахтадан юқори ҳосил олган фермерларга қатор имтиёзлар берилди
Ўзбекистон Республикаси Қишлоқ ва сув хўжалиги вазирлиги, Молия вазирлиги ва Иқтисодиёт вазирлигининг қўшма қарори билан "Пахта хом-ашёсини етиштиришда юқори ҳосилдорликка эришган фермер хўжаликларини рағбатлантириш тартиби тўғрисида” низом тасдиқланди.
Хужжатда пахта етиштиришда юқори ҳосилдорликка эришган фермер хўжаликларини рағбатлантириш тартиби белгилаб берилган. Хусусан, пахтадан юқори ҳосил олган фермерлар қуйидагича рағбатлантирилади:
- Фермер хўжалигининг пахта экиладиган жами ер майдонининг камида 5 фоизига турли қишлоқ хўжалик экинлари экиш;
- Қонун хужжатлари билан тасдиқланмаган бошқа турдаги қишлоқ хўжалик экинларини экиш учун ажратилган ер майдонларида агротехник тадбирларни амалга ошириш учун таъминотчи ташкилотлар билан тўғридан-тўғри шартнома тузиш орқали амалдаги технологик карталарда тавсия этилган меъёрлар бўйича дизель ёқилғиси ва минерал ўғитларни Молия вазирлиги томонидан декларация қилинган нархларда олиш;
- Туман ҳокимлиги захирасидаги ер майдонлари бўйича ўтказиладиган танловларда фермер хўжалигига 10 баллгача тақдим этиш;
- Қишлоқ хўжалиги техникасини харид қилиш учун имтиёзли кредитлар олиш;
- Ўзбекистонда ишлаб чиқарилган (GM-UZbekistan) енгил автомобиллардан исталган битта моделини навбатсиз харид қилиш.
Хужжатда ана шу имтиёзларни олиш тартиби тўлиқ белгилаб берилган. Хужжатнинг тўлиқ матни билан қуйида танишиш мумкин.
(Манба - http://www.mezon.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
