Мактабимиз билимдонлари билан фахрланамиз
2017-2018 ўқиш йили 49-сонли умумтаълим мактаби жамоаси учун самарали келди. Мактабимиз ўқувчилари она тили, математика, физика фанларидан яхши натижаларга эришмоқдалар. Бу йилги фанлар олимпиадаси беллашувида 9-синф ўқувчиси Маҳбуба Холбоева она тили ва адабиёти фанидан ҳудуд, туман босқичларида ғолиб чиқиб, 23-24 март кунлари Нукус шаҳрида бўлиб ўтган фанлар олимпиадасининг Қорақалпоғистон Pеспубликаси босқичида фахрли 3-ўринни эгаллади ва Қорақалпоғистон Pеспубликаси халқ таълими Вазирлигининг 3-даражали дипломи билан тақдирланди. Маҳбуба Холбоевани устози, она тили ва адабиёти фани ўқитувчиси Матлуба Бердимақова аниқ ва пухта режа асосида тайёрлади.
Яна бир ўқувчимиз, 9-синф ўқувчиси Азимжон Ўролбоев фанлар олимпиадасида туман босқичида фахрли 4-ўринни эгаллади. Унинг устози Эркабой Норбоев ҳам математика фанининг билимдони ҳисобланади. “Билимлар беллашуви”нинг туман босқичи ҳам мактабимиз ўқувчилари учун самарали бўлди. Математика фанидан 7-синф ўқувчиси Барно Ўролбоева туман босқичида фахрли 3-ўринни эгаллади.
Устозим Ўткир ака Йўлдошевдан миннатдорман, – дейди Барно Ўралбоева. – Келгуси йили албатта яна ғолиблар сафидан жой олишга интиламан. Чунки устозим математика фанини бадиий адабиёт даражасида, қизиқарли ва мазмунли ўтадилар.
Биз мактабимиз ўқувчиларининг ҳар бир ютуғидан қувонамиз ва уларнинг интилишларини қадрлаймиз.
Pаҳматулла Артиқов,
49-сонли умумтаълим мактаби
М.М.И.Б.Д.Ў.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
