ҲИСОБОТ ЙИҒИЛИШИ ЎТКАЗИЛДИ
Туман ҳокимлигида фуқароларнинг ўзини ўзи бошқариш органлари фаолиятини мувофиқлаштириш бўйича туман Кенгашининг 2017 йил давомида амалга оширган ишлари якуни бўйича йиғилиш ўтказилди.
Йиғилишда туман ҳокими ўринбосарлари, фуқароларнинг ўзини ўзи бошқариш органлари фаолиятини мувофиқлаштириш бўйича Қорақалпоғистон Республикаси ва туман Кенгашлари вакиллари ҳамда овул ва маҳалла фуқаролар йиғинлари раислари, идора-ташкилотлар раҳбарлари иштирок этди.
Йиғилиш кун тартибидаги фуқароларнинг ўзини ўзи бошқариш органлари фаолиятини мувофиқлаштириш бўйича туман Кенгаши ижро аппаратининг 2017 йил фаолияти якунлари ҳамда 2018 йилдаги устувор вазифалар тўғрисидаги масала юзасидан Кенгаш раиси биринчи ўринбосари, “Маҳалла” хайрия жамоат фонди туман бўлинмаси раиси А.Қўшаевнинг маърузаси тингланди.
Шунингдек, фуқаролар йиғинларида ёшлар билан ишлаш, спортни ривожлантириш масалалари бўйича 2017 йилда амалга оширилган ишлар ҳамда 2018 йилга режалаштирилган вазифалар, фуқаролар йиғинларида диний-маърифий ишлар ҳамда фахрийлар билан ишлашиш бўйича 2017 йилда амалга оширилган ишлар хусусида маърузалар тингланди.
Маърузалар юзасидан қизғин музокаралар бўлиб ўтди.
Йиғилиш сўнггида маҳалла тизими фаолларига фуқароларнинг ўзини ўзи бошқариш органлари фаолиятини мувофиқлаштириш бўйича Республика бошқаруви, Қорақалпоғистон Республикаси ва туман Кенгашлари номидан фахрий ёрлиқ ва эсдалик совғалари топширилди.
О.ХУДОЙБЕРГАНОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
